Reimagining Play: Navigating the Contemporary Challenges in Early Childhood Education

Gestafyrirlestur Anne Burke, prófessors við Memorial University of Newfoundland í Kanada

Hvaða hlutverki gegnir leikur í námi barna - og hvernig getum við tryggt að leikurinn haldi sessi sínum í menntun á tímum aukinnar áherslu á námsárangur og mælanlegar niðurstöður?

Anne Burke, prófessor við Memorial University of Newfoundland í Kanada, flytur gestafyrirlestur um leik sem kennslufræði og mikilvægi hans fyrir nám og þroska barna. Hún fjallar meðal annars um hvernig leikur styður við skapandi hugsun, lausnaleit, seiglu og læsi og hvaða áskoranir kennarar standa frammi fyrir þegar kemur að því að skapa rými fyrir leik í skólastarfi.

Anne mun jafnframt kynna Discovery Play Centre (https://www.discoveryplaycentre.com/) við Faculty of Education í Memorial University og segja frá rannsóknum og þróunarverkefnum sem þar hafa verið unnin á sviði leikmiðaðrar kennslufræði.

Um Anne Burke

Dr. Anne Burke er prófessor í læsisfræðum, námi ungra barna og stafrænum miðlum við School of Education, Memorial University of Newfoundland. Hún leiðir Discovery Play Centre við Faculty of Education.

Rannsóknir hennar snúa meðal annars að leikheimi barna, rödd þeirra og áhrifamætti, sjónrænu læsi, barnabókmenntum, fjölháttalæsi og stafrænum heimi barna. Í rannsóknum sínum leggur hún einnig áherslu á félagslegt réttlæti og samstarf við skóla, menningarstofnanir og leik- og grunnskóla.

Öll áhugasöm eru velkomin