PÆLT Í PISA - Menntakerfið og ójöfnuður

Pælt í PISA - Menntakerfið og ójöfnuður er heiti sjöunda og þar með síðasta fundar þessarar fundaraðar þar sem markmiðið er að kafa dýpra í niðurstöður PISA-rannsóknarinnar 2022. Fundurinn fer fram 4. apríl kl. 15-16:30 í Stakkahlíð.

Fundinum verður streymt á Zoom hér.

Á þessum sjöunda fundi verður menntakerfið og ójöfnuður rætt í tengslum við niðurstöður PISA 2022.

David Reimer, prófessor við Háskóla Íslands og Helgi Eiríkur Eyjólfsson,sérfræðingur hjá mennta- og barnamálaráðuneyti rýna í niðurstöður.

Ásmundur Einar Daðason, mennta- og barnamálaráðherra flytur ávarp og fulltrúar Sambands íslenskra framhaldsskólanema taka til máls.

Fundarstjóri: Heiða Björg Hilmisdóttir, formaður Sambands íslenskra sveitarfélaga.

Umræður verða í kjölfarið.

Fundurinn er sjöundi og sá síðasti af þeim málstofum sem haldnar hafa verið á vegum Menntavísindasviðs Háskóla Íslands, Mennta- og barnamálaráðuneytis, Menntamálastofnun, Kennarasambands Íslands, Sambands íslenskra sveitarfélaga og Heimilis og skóla.

Verið öll velkomin meðan húsrúm leyfir. Fundunum verður streymt.

--

Um PISA

Menntamálastofnun sá um framkvæmd PISA-rannsóknarinnar sem lögð var fyrir alla nemendur í 10. bekk vorið 2022. Samstarf hefur verið milli Menntavísindasviðs og Menntamálastofnunar um greiningu gagnanna og túlkun niðurstaðanna.

PISA-rannsóknin er lögð fyrir í 72 löndum um heim allan. Könnuð er frammistaða nemenda í stærðfræðilæsi, lesskilningi og náttúrulæsi. Könnunin er framkvæmd á þriggja ára fresti (frestaðist um eitt ár vegna Covid) og gefur vísbendingar um breytingar á frammistöðu nemenda yfir tíma ásamt því að meta stöðu þeirra við lok skyldunáms.