Hernámsæskan

Leifur Reynisson sagnfræðingur heldur fyrirlestur í sal Landsbókasafnsins fimmtudaginn 1. október kl. 12:05. Fyrirlesturinn se,m nefnist „Hernámsæskan“, byggist á nýútkominni bók Leifs þar sem hann gerir grein fyrir áhrifum seinni heimsstyrjaldar á íslenskt æskufólk.

Hvernig upplifðu Íslendingar hernámsárin, hver voru samskiptin við herinn og hvaða breytingar urðu á dægurmenningu landsmanna? Leitast verður við að svara þessum spurningum með æskuna í fyrirrúmi en rök verða færð fyrir því að þarna liggi rætur íslenskrar unglingamenningar. Á fyrirlestrinum verður sýndur fjöldi mynda sem prýða bókina.

Tilboðsverð verður á bókinni, kr. 7.000. ATH! Ekki verður posi á staðnum, en bæði er hægt að leggja inn á útgáfuna í gegnum síma og svo að sjálfsögðu greiða með peningum.

Boðið verður upp á kaffi og kleinur.