Sigríður Rut Franzdóttir
Líf- og umhverfisvísindadeild
Ég er dósent við Líf- og umhverfisvísindadeild og stunda rannsóknir á eðli og eiginleikum fruma taugakerfis - með sérstaka áherslu á hlutverk einstakra próteina i þroskun og hrörnun hreyfitaugafruma og taugavöðvamóta. Viðhald heilbrigðs ástands fruma er mikilvægt til að fyrirbyggja sjúkdóma, sérstaklega í taugakerfinu þar sem frumur þurfa að endast og halda réttri virkni alla ævi einstaklingsins. Rannsóknateymi mitt notar ávaxtaflugur og fjölhæfar stofnfrumur manna til rannsókna á hlutverkum tiltekinna gena og afurða þeirra í þroskun, starfi og viðhaldi taugafruma og stoðfruma taugakerfis. Við beitum erfðaverkfærum og sameindalíffræðilegum aðferðum og smásjártækni við þessar rannsóknir og leggjum áherslu á ofurupplausnar smásjárgreiningu allt niður í stakar sameindir innan fruma í sínu náttúrulega vefjaumhverfi. Rannsóknirnar ná einnig út fyrir taugakerfið þar sem próteinin sem við rannsökum gegna víðtækum hlutverkum í öllum heilkjarna lífverum og við leitumst við að leysa ráðgátur um ólík, en hugsanlega tengd hlutverk þeirra í bæði kjarna og umfrymi. Rannsóknir mínar einskorðast ekki við frumulíffræði taugakerfis, heldur er ég einnig hluti af teymi sem rannsakar þróunar- og þroskunarfræðilegan grundvöll breytileika í náttúrulegum bleikjustofnum á Íslandi. Auk rannsókna í lífvísindum hef ég brennandi áhuga á kennslu og kennslufræði og er meðlimur í Kennsluakademíu opinberu háskólanna (kennsluakademia.hi.is).
- 2008 Ph.D. University of Münster Líffræði
- 2004 M.Sc. Háskóli Íslands Heilbrigðisvísindi
- 2004 Starfsréttindanám Háskóli Íslands Kennslufræði til kennsluréttinda
- 2000 B.Sc. Háskóli Íslands Líffræði
- LÍF401G - Þroskunarfræði
- LÍF265L - Rannsóknarverkefni i líffræði
- LÍF265L - Rannsóknarverkefni i líffræði
- LÍF315G - Frumulíffræði
- LÍF523G - Aðferðir í sameindalíffræði
- LÍF112F - Námskeið til meistaragráðu í líffræði
- LÍF118F - Aðferðir í sameindalíffræði
- LÍF319G - Vefjafræði
- LÍF265L - Rannsóknarverkefni i líffræði