Þú sækir um úrræði í gengnum Uglu. Til að hægt sé að veita þér úrræði í námi þarft þú að framvísa gögnum frá viðeigandi sérfræðingi, sem staðfestir þörf fyrir úrræði. Alltaf er gengið frá formlegu samkomulagi (samningi) um úrræði.Farið er með öll gögn sem trúnaðarmál.Það getur tekið langan tíma að fá tíma hjá sérfræðingi þannig að þú getur þurft að gera viðeigandi ráðstafanir strax í byrjun misseris.Ef úrræðin sem þú þarft á að halda eru þess eðlis að þau krefjast undirbúnings áður en kennsla hefst er mikilvægt að þú hafir samband við Nemendaráðgjöf HÍ með góðum fyrirvara. Þetta geta verið úrræði eins og:tryggt aðgengi að kennslustofumtáknmálstúlkunrittúlkunaðlögun námsefnis vegna blindu eða sjónskerðingar

Um greiningar og vottorð

Greiningar um sértæka námsörðugleikaTil að þú getir fengið úrræði í námi og/eða prófum vegna sértækra námsörðugleika (dyslexía, dyscalculia, dysgraphia) þarftu að framvísa greiningu frá sérfræðingi sem notar viðurkenndar greiningaraðferðir, svo sem:GRP 14 Greiningarpróf (GRP 14H hópgreining dugar ekki ein og sér).Aston Index lestrargreining.Logos dyslexíugreining.ICD 10 greiningarviðmið (notuð af sálfræðingum).Davis greining nægir ekki til að fá úrræði við Háskóla Íslands þar sem hún er ekki greining á sértækum námsörðugleikum heldur gefur vísbendingu um hvort Davis leiðrétting nýtist einstaklingi.Tekið er við einstaklingsgreiningum um sértæka námsörðugleika sem framkvæmdar eru á miðstigi grunnskóla og upp úr, þ.e. frá og með 5. bekk.Stúdentaráð HÍ starfrækir sjóð fyrir nemendur með sértæka námsörðugleika, ADD/ADHD og einhverfu. Þar geta þau sótt um styrk upp í kostnað við greiningu.LæknisvottorðTil að þú getir fengið viðeigandi úrræði í námi og/eða prófum vegna veikinda eða fötlunar þarftu að framvísa vottorði eða greiningu frá lækni/viðeigandi sérfræðingi. Eftirfarandi upplýsingar þurfa að koma fram:Hvaða sjúkdóm eða hvers konar fötlun er um að ræða.Á hvaða hátt sjúkdómur eða fötlun hefur áhrif á andlega og/eða líkamlega getu þína til að stunda háskólanám.Meðferð upplýsingaNemendaráðgjöf HÍ varðveitir trúnaðargögn um nemendur sem þurfa á úrræðum að halda í námi og við skólann. Meðferð viðkvæmra persónuupplýsinga er í samræmi við lög um persónuvernd og reglur háskólans.

Hvaða úrræði eru í boði?

Úrræði í námi byggja á sérfræðiáliti sem fram kemur í greiningu eða læknisvottorði ásamt faglegu viðtali við ráðgjafa þegar það á við, þar sem meðal annars er farið yfir fyrri reynslu nemanda af úrræðum í námi. Úrræði eru einstaklingsmiðuð og reynt er að koma til móts við þarfir hvers einstaklings eins og greining eða læknisvottorð gefa tilefni til. Úrræði fela ekki í sér undanþágur frá hæfniviðmiðum námskeiða. Yfirlit yfir þau úrræði sem veitt hafa verið við Háskóla Íslands:Námsefni á rafrænu formi (skönnun námsefnis)Nemendur með dyslexíu eða taugaþroskaraskanir, nemendur með hreyfihömlun og í undantekningartilvikum nemendur sem glíma við alvarleg veikindi geta sótt um að skanna námsefni ef ekki er hægt að nálgast það á rafrænu formi. Nemendur leggja til námsefni til skönnunar ef með þarf. Nemendur þurfa sjálfir að útvega sér talgervil/þulu til að geta hlustað á rafrænt efni.Aðlögun námsefnis að þörfum blindra/sjónskertra nemendaÚrræðið er veitt í samvinnu við Sjónstöðina. Nemendur sem telja sig þurfa á þessu úrræði að halda þurfa að hafa samband við Nemendaráðgjöf HÍ.TáknmálstúlkunÚrræðið er veitt heyrnarlausum/heyrnarskertum nemendum. Til hægt sé að tryggja úrræðið þurfa nemendur að hafa samband við Nemendaráðgjöf HÍ með góðum fyrirvara.GlósuvinurEf nemandi er, vegna fötlunar eða veikinda, ófær um að taka niður glósur í kennslustundum getur viðkomandi sótt um að fá glósur frá samnemanda. Ekki er hægt að tryggja að glósur fáist því veiting úrræðisins er háð því að nemandi fáist til verksins.Stuðningur við verkefnavinnuÚrræðið er veitt í undantekningartilvikum ef nemandi er t.d. ófær um að leita í heimildum eða rita verkefni vegna fötlunar eða veikinda. Aldrei er um að ræða aukakennslu heldur mjög skýra og afmarkaða aðstoð.Aðgangur að tölvuverinu G-101 (Aðgengissetur)Þar er að finna sérhæfðan búnað sem gagnast getur t.d. nemendum með sértæka námsörðugleika, sjónskerðingu, fötlun eða stoðkerfisvanda. Einnig getur tölvuverið hentað sem námsaðstaða fyrir nemendur sem þurfa rólegt námsumhverfi. Athugið að G-101 getur verið upptekin vegna prófahalds, sjá nánar: Úrræði í prófum og aðgengissetur.Aðgengi að byggingumByggingar Háskóla Íslands eru misaðgengilegar. Því er gott að hafa samband við Nemendaráðgjöf HÍ með góðum fyrirvara til að hægt sé að tryggja aðgengi nemenda. Úrræðið er veitt nemendum með skerta hreyfigetu.Aðstoð við að komast á milli kennslustofa/byggingaÚrræðið er veitt nemendum með skerta hreyfigetu eða sjónskerðingu/blindu sem eiga erfitt með að komast á milli bygginga án aðstoðar. Til að hægt sé að tryggja úrræðið þurfa nemendur að hafa samband við Nemendaráðgjöf HÍ með góðum fyrirvara.Ekki er veitt persónuleg aðstoð s.s. á matmálstímum eða við salernisferðir.Lenging á próftímaAlmennt er miðað við 25% lengingu á próftíma. Í undantekningartilvikum er um að ræða meiri lengingu.Talgervill/þula við próftökuNemendur sem þurfa að nota talgervil/þulu til að hlusta á prófspurningar geta sótt um það úrræði. Nemandi þarf að vera vanur slíku úrræði þar sem ekki er kennt á hugbúnaðinn í prófaðstæðum. Nemandinn þarf að koma með eigin heyrnartól. Í Inspera prófum er innbyggður talgervill/þula en í Canvas prófum þurfa nemendur að vera með eigin talgervil/þulu í tölvunum sínum.Aðstaða í prófstofu/kennslustofuEf nemandi á við stoðkerfisvandamál að stríða getur viðkomandi óskað eftir betri aðstöðu í prófstofu/kennslustofu, svo sem betri stól. Nemendur sem telja sig þurfa á þessu úrræði að halda þurfa að hafa samband við Nemendaráðgjöf HÍ með góðum fyrirvara.Ritari í prófiEf nemandi, vegna fötlunar eða veikinda, er ófær um að skrifa sjálfur svör við prófspurningum og önnur möguleg úrræði gagnast ekki er hægt að sækja um ritara í prófum. Nemendur sem þurfa á þessu úrræði að halda þurfa að hafa samband við Nemendaráðgjöf HÍ með góðum fyrirvara.Próftaka í einrýmiÚrræðið er afar sjaldgæft og er aðeins veitt þegar því verður ekki við komið að nemandi taki próf með öðrum nemendum, t.d. ef nemandi er með aðstoðarfólk eða ritara í prófum.Önnur úrræðiTelji nemandi sig þurfa, vegna fötlunar eða veikinda, á undanþágu að halda, t.d. er varða mætingarskyldu eða annan sveigjanleika, þarf að bóka viðtal hjá ráðgjafa Nemendaráðgjafar HÍ sem sér um úrræði í námi. Þá er metið hvort unnt sé að verða við slíkri beiðni. Úrræði af þessu tagi eru undantekningarlaust háð samþykki og samráði við kennara og deildir viðkomandi nemanda.Undanþága frá mætingarskylduSveigjanleiki í verkefnaskilumHópverkefni breytt í einstaklingsverkefniUndanþága frá munnlegum verkefnaskilumHljóðritun fyrirlestraMyndataka af töflu/skjáBreytt prófformEf ljóst er að fötlun eða veikindi gera það að verkum að nemanda er ókleift að þreyta próf með hefðbundnum hætti má, með góðum fyrirvara, óska eftir breyttu prófformi hjá kennara og deild. Úrræðið er afar fátítt og fyrir því þurfa að vera skýrar og vel rökstuddar ástæður.

Samningur um úrræði

Þú sækir um úrræði í námi og prófum í gegnum Uglu. Hægt er að skila gögnum með umsókninni á Uglu eða koma með þau útprentuð á skrifstofu Nemendaráðgjafar HÍ, 3. hæð Háskólatorgs.Lokafrestur til að sækja um úrræði í námi/prófum er 1. október á haustmisseri og 1. mars á vormisseri.Samningur um sértæk úrræði í námi getur annars vegar verið ótímabundinn og hins vegar tímabundinn. Telji nemandi, með tímabundinn samning, sig þurfa á áframhaldandi úrræði að halda ber nemandinn ábyrgð á því að endurnýja samning um úrræði áður en frestur til þess rennur út.Ef aðstæður á prófstað eru ekki í samræmi við samning um úrræði þarf nemandi að tilkynna það strax til prófvarðar meðan á próftöku stendur. Eftir að próftöku lýkur getur verið erfitt að bregðast við ábendingum.Ef þau úrræði sem sem nemandi hefur gert samning um krefjast sérstaks undirbúnings af hálfu starfsfólks biðjum við nemendur vinsamlegast um að hafa samband með góðum fyrirvara.Nemendur eiga rétt á að hitta ráðgjafa Nemendaráðgjafar HÍ og endurskoða úrræði ef ástæða er til.

Staðsetning í prófum

Nemendur Háskóla Íslands finna staðsetningu sína í prófum á Uglu, á notendanafni sínu, undir Uglan mín → Námskeiðin mín → Próf.

Barnshafandi nemendur

Barnshafandi nemendur við Háskóla Íslands öðlast ekki sjálfkrafa rétt til úrræða í námi/prófum. Til þess að unnt sé að veita úrræði þarf nemandi að hafa skilað inn læknisvottorði og gert samning um úrræði hjá Nemendaráðgjöf HÍ.

Nemendur sem þurfa túlkaþjónustu geta leitað til ráðgjafa háskólans. Kennarar og aðrir starfsmenn setji sig í samband við úrræðateymi í síma 525-4315 eða tölvupósti á adstodarmenn@hi.is.Nemandi pantar túlkaþjónustu hjá NHÍ með góðum fyrirvara og gefur nákvæmar upplýsingar um verkefnið. Allt ritað efni sem nota á í aðstæðunum þarf að berast viðkomandi túlkum þannig að þeir geti undirbúið sig. Einnig þarf að láta vita ef breyting verður á skipulagi. Ef farið er eftir fyrirfram ákveðinni dagskrá er gott að senda hana með skipulagi.

Úrræði í prófum og Aðgengissetur

Q: Önnur próf

Próf á vegum kennara án aðkomu Prófaskrifstofu og NHÍ.Ef þau próf er ekki að finna á töflunum: Hlutapróf og Lokapróf, þarf nemandi að tilkynna kennara hyggist hann nýta úrræðin sín.

Hlusta

Aðgengissetur Nemendaráðgjafar Háskóla Íslands er til húsa í Gimli, stofu 101 á 1. hæð. Tölvuverið hefur 10 vinnustöðvar.

Aðgengissetur er próftökuherbergi og vinnuaðstaða fyrir nemendur sem þurfa á sérhæfðum búnaði að halda í námi og prófum. Þar er að finna hugbúnað fyrir nemendur með sjónskerðingu, stillanlega skrifborðsstóla og hækkanleg borð.

Aðgengissetur er upptekið vegna prófa:

8. apríl kl. 08:30 - 13:00.
9. apríl kl. 08:00 - 10:30.
13. apríl kl. 15:30 - 17:30.
15. apríl kl. 10:00 - 11:00.
15. apríl kl. 13:20 - 14:30.

Úrræði í prófum

Til að fá úrræði í prófum/námi verður nemandi að framvísa gögnum (greiningu/vottorði) frá viðeigandi sérfræðingi og sækja um úrræði hér. Lokafrestur til að sækja um úrræði er 1. október á haustmisseri og 1. mars á vormisseri.

Athugið að prófúrræði taka ekki gildi fyrr en ráðgjafi og nemandi hafa samþykkt samning í Uglu sem tekur að minnsta kosti þrjá daga að ganga í gegn.

Ef aðstæður á prófstað eru ekki í samræmi við samninginn þinn hvetjum við þig til að tilkynna það strax til prófvarðar meðan á próftöku stendur. Eftir að próftöku lýkur getur verið erfitt að bregðast við ábendingum.

Hér er að finna nánari upplýsingar um greiningar, vottorð og úrræði í boði.

Athugið að próf í Canvas eru alltaf á vegum kennara. Nemandi ber ábyrgð á að upplýsa kennara um lengdan próftíma.

Hvernig veit ég hvort próf er á vegum kennara eða Prófaskrifstofu?

Hér er að finna hlutapróf og lokapróf á vegum Prófaskrifstofu HÍ. Ef próf birtist í þessum próftöflum ábyrgjast prófstjórn HÍ og NHÍ úrræði.

Athugið að próf í Canvas eru alltaf á vegum kennara. Nemandi ber ábyrgð á að upplýsa kennara um lengdan próftíma með að minnsta kosti viku fyrirvara.

Lengdur próftími

Ef próf er tekið í Inspera fá nemendur sjálfkrafa lengdan tíma í samræmi við skráningu NHÍ.

Kennarar hafa umsjón með Canvas prófum. Í slíkum prófum leita nemendur sjálfir til kennara/deildar ef þeir telja sig þurfa á prófúrræðum að halda.

Í Canvas þurfa viðkomandi kennarar að skrá lengdan tíma hjá hverjum og einum nemanda. Þetta er gert í hvert sinn sem nemandi tekur próf, hvort heldur í hlutaprófum eða lokaprófum.

Próf á vegum kennara án aðkomu Prófaskrifstofu og NHÍ.

Ef þau próf er ekki að finna á töflunum: Hlutapróf og Lokapróf, þarf nemandi að tilkynna kennara hyggist hann nýta úrræðin sín.

Úrræði í prófum og Aðgengissetur

Lengdur próftími

Inspire

Canvas

Önnur próf

Deila

Hvers vegna var efnið ekki hjálplegt?