Ljúka þarf 210 ECTS fyrir lokapróf. Doktorsnám samanstendur af 180 ECTS ritgerð og 30 ECTS í námskeiðum á fræðasviðum doktorsverkefnis. Gera má kröfu um að nemandi í doktorsnámi taki þar að auki allt að 60 ECTS í bóknámshluta, sé talin þörf á að bæta við undirstöðuþekkingu nemandans á fræðasviði ritgerðarinnar. Doktornemar sem hafa lokið bæði BA-námi og meistaranámi við íslenska háskóla skulu taka hluta af námi sínu við erlenda háskóla.