Nemendaráðgjöf Háskóla Íslands býður nemendum sálfræðiþjónustu.
Anna Guðrún Guðmundsdóttir (leyfi), Camilla Ann Stacey, Guðný Björg Barkardóttir, Kristín Hulda Gísladóttir og Hrafnkatla Agnarsdóttir sálfræðingar veita ráðgjöf og stuðning í einstaklingsviðtölum. Þau eru gjaldfrjáls fyrir nemendur skólans.
Viðtölin geta farið fram á íslensku og ensku. Þjónustan felur ekki í sér ADHD greiningu.
Hafðu samband við salfraedingar@hi.is til að bóka tíma.
Anna Guðrún er klínískur sálfræðingur sem útskrifaðist með BSc í sálfræði frá Háskóla Íslands (HÍ) árið 2017 og MSc gráðu í klínískri sálfræði frá HÍ árið 2020. Anna hefur starfað með fullorðnum sem kljást við þunglyndi, streitu, kvíða og áhyggjuvanda, áfallastreitu og langvinna verki frá útskrift. Anna beitir aðferðum hugrænnar atferlismeðferar (HAM) auk áherslum úr ACT (Acceptance and Commitment Therapy) og hefur hlotið þjálfun í hugrænni úrvinnslumeðferð (HÚM).
Anna starfaði áður í geðteymi fullorðinna á Heilbrigðisstofnun Suðurnesja (HSS) 2020-2021. Síðar hjá Landspítala á árunum 2021-2025, fyrst í þunglyndis- og kvíðateymi geðsviðs og síðar í endómetríósuteymi kvennadeildar. Samhliða þessu hefur Anna verið í sjálfstæðum rekstri hjá Sálfræðiráðgjöfinni frá 2021. Anna Guðrún er í 50% starfshlutfalli hjá nemendaráðgjöf HÍ, með viðveru á mánudögum, þriðjudögum og til hádegis á föstudögum.
Camilla er klínískur sálfræðingur og lauk BA-gráðu í sálfræði frá University of British Columbia (UBC) í Kanada árið 2017. Hún hóf nám beint í kjölfarið við University College London (UCL) og útskrifaðist þaðan með MSc gráðu í klínískri þroskasálfræði (Developmental Psychology and Clinical Practice) árið 2019. Camilla útskrifaðist síðan með MSc gráðu í klínískri sálfræði frá Háskóla Íslands (HÍ) árið 2021.
Sem hluti af náminu við HÍ var hún í starfsnámi á Litlu Kvíðameðferðastöðinni, og við UCL tók hún starfsnámið sitt á geðheilbrigðisþjónustu barna og unglinga í London (CAMHS).
Camilla hefur starfað sem sálfræðingur hjá SÓL, sálfræði- og læknisþjónustu, frá árinu 2021 í fullu starfshlutfalli. Árið 2025 hóf hún störf við Háskóla Íslands í 50% starfshlutfalli samhliða hluta starfi á SÓL. Hún er með viðveru við HÍ á mánudgögum, fimmtudögum og til hádegis á föstudögum.
Camilla sinnir almennri sálfræðiþjónustu fyrir börn og fullorðna og hefur lagt stund á meðferð og greiningu á ADHD, hegðunarvanda og tilfinningavanda barna og unglinga. Hún hefur sótt námskeið í ACT (Acceptance and Commitment Therapy) og psychodynamic psychotherapy. Auk þess hefur Camilla tekið þátt í vinnustofum og ráðstefnum tengdum ýmsum tilfinningavanda barna og fullorðinna.
Hrafnkatla er klínískur sálfræðingur en hún útskrifaðist með BSc í sálfræði frá Háskóla Íslands (HÍ) árið 2018 og MSc gráðu í klínískri sálfræði frá HÍ árið 2020. Hún var í starfsnámi hjá Litlu Kvíðameðferðarstöðunni og sálfræðiráðgjöf háskólanema hjá HÍ.
Hrafnkatla hefur starfað sem sálfræðingur á göngudeild BUGL frá 2020 til 2022, fyrst í greiningarteymi og síðar í átröskunarteymi. Hún hóf sjálfstæðan rekstur árið 2021 hjá Sálfræðistofunni Höfðabakka og vinnur nú í 50% stöðu hjá Sálstofunni meðfram 50% stöðu hjá HÍ (frá 2022). Þá hefur hún einnig verið meðleiðbeinandi í lokaverkefni meistaranema í klínískri sálfræði, atferlisþjálfi á leikskóla og félagsliði á íbúðarkjarna fyrir geðfatlaða.
Hrafnkatla sinnir almennri sálfræðiþjónustu fyrir börn, ungmenni og fullorðna. Hún sækir sér reglulega handleiðslu og endurmenntun, þá sérstaklega í átröskunum en hefur einnig gaman af því að vinna með tilfinningavanda líkt og kvíða og þunglyndi. Hún vinnur aðallega út frá meðferðarnálgun hugrænnar atferlismeðferðar en einnig ACT (Acceptance and Commitment Therapy) og díalektíska atferlismeðferð.
Hrafnkatla er í 50% starfshlutfalli og með viðveru á fimmtudögum, föstudögum og annan hvern miðvikudag fyrir hádegi.
Ef um bráðatilfelli er að ræða bendum við á:
