Starfsþjálfun hjá sendiráði og fastri sendinefnd Portúgals hjá Sameinuðu þjóðunum í Vínarborg var einstakt tækifæri til að öðlast hagnýta reynslu og dýpri skilning á diplómatíu, starfsemi Sameinuðu þjóðanna og flóknu ferlunum sem liggja að baki ákvarðanatöku á alþjóðavettvangi. Ég fór í starfsþjálfun til að öðlast raunverulega reynslu á mínu fræðasviði og til að styrkja stöðu mína í framtíðinni, hvort sem er á vinnumarkaði eða í frekara námi.

Starfsþjálfun erlendis er einstakt tækifæri til að víkka sjóndeildarhringinn, kynnast nýju fólki og öðlast dýrmæta reynslu – bæði faglega og persónulega. Þetta er frábær leið til að prófa eitthvað nýtt, stíga út fyrir þægindarammann og styrkja sig fyrir framtíðina. Ég myndi klárlega gera þetta aftur ef ég gæti!

Starfsþjálfun hjá erlendu stórfyrirtæki gerir mann klárlega verðmætari starfskraft og maður hefur ákveðið forskot fram yfir aðra sem ekki hafa þessa alþjóðlegu reynslu og tengsl. Það er dýrmætt að fara út fyrir þægindarammann, kynnast annarri menningu og starfsumhverfi og fá um leið alþjóðlega starfsreynslu.