Umsækjendur um Íslensku sem annað mál, hagnýtt nám, þurfa að standast inntökupróf í íslensku. Hér að neðan má finna upplýsingar um lágmarkskröfur, tímasetningu, gerð prófs og annað sem tengist inntökuprófinu.
Íslenska sem annað mál, hagnýtt nám er námsleið fyrir nemendur með grunnfærni í íslensku, samsvarandi stigi A1 í Evrópska tungumálarammanum (CEFR). Í inntökuprófi reynir á færni sambærilega þeirri sem þjálfuð er í námsefninu Íslenska fyrir alla 1-2 og Icelandic Online Survival.
Engar undanþágur eru gerðar frá inntökuprófi.
No exemptions are granted from the admission test.
Inntökuprófið fyrir umsækjendur sem sækja um nám fyrir 1. febrúar fer fram á netinu. Prófið er tiltækt í sólarhring. Það opnar kl.12:00 (GMT) þann 10. mars og lokar kl.12:00 (GMT) þann 11. mars. Umsækjendur geta þreytt prófið hvenær sem er innan þessara tímamarka. Þeir hafa 90 mínútur til að leysa prófið.
Umsækjendur sem ná prófinu verða kallaðir í munnlegt próf í íslensku á netinu hjá prófdómara nokkrum dögum seinna. Þetta er gert til þess að staðfesta að umsækjandi hafi tekið inntökuprófið sjálfur og án hjálpargagna. Umsækjendur verða aðeins samþykktir í Íslensku sem annað mál, hagnýtt nám ef þeir ná bæði inntökuprófinu og munnlega prófinu.
Að hámarki 50 umsækjendur með ríkisfang frá ríki utan Evrópska efnahagssvæðisins (EES) verða teknir inn í námið. Undanþegnir takmörkuninni eru ríkisborgarar Sviss, Grænlands og Færeyja, auk þeirra sem hafa ótímabundið dvalarleyfi eða dvalarleyfi sem getur verið grundvöllur að ótímabundnu dvalarleyfi hér á landi.
ATHUGIÐ! Umsækjendur með búsetu á Íslandi
Inntökuprófið fyrir umsækjendur sem eru búsettir á Íslandi fer fram annars vegar kl 12:00 þann 10. mars og hins vegar kl. 12:00 þann 8. júní. Umsækjandi tekur prófið einu sinni. Umsækjendur sem geta ekki tekið prófið í Háskóla Íslands verða að taka það á viðurkenndum prófstað á Íslandi. Hér má finna lista yfir viðurkennda prófstaði. Umsækjendur verða að hafa samband við viðurkenndan prófstað, skrá sig í próf þar og senda upplýsingar um prófstaðinn á netfangið icelandic@hi.is.
Inntökuprófið fyrir umsækjendur sem sækja um nám fyrir 20. maí er staðpróf og fer fram þann 8. júní klukkan 12:00 í Háskóla Íslands. Allir umsækjendur sem uppfylla inntökuskilyrði námsins verða sjálfkrafa skráðir í prófið og fá frekari upplýsingar um prófið í byrjun júní.
Umsækjendur sem eiga þess ekki kost að taka prófið í júní geta sótt um prófdag 10. ágúst. Hafið sambandi við icelandic@hi.is.
Athugið að skólavist er ekki samþykkt fyrir en íslenskukunnátta er staðfest. Skráningargjald skal þá greitt eins fljótt of auðið er, fyrir fyrsta skóladag.
Umsækjendur sem geta ekki tekið prófið í Háskóla Íslands verða að taka það á viðurkenndum prófstöðum á Íslandi. Hér má finna lista yfir viðurkennda prófstaði á Íslandi. Umsækjendur verða að hafa samband við viðurkenndan prófstað, skrá sig í próf þar og senda upplýsingar um prófstaðinn á netfangið icelandic@hi.is.
Ath: Umsækjandi þarf að mæta í prófið með gild skilríki (vegabréf eða ökuskírteini).
Skriflegt próf:
Skriflega inntökuprófið er í fjórum hlutum: lestur, hlustun, orðaforði og málfræði. Það er tekið í rafræna prófakerfinu Inspera. Umsækjendur fá einnota notandanafn og lykilorð til að hafa aðgang að prófinu.
Munnlegt próf:
Munnlega inntökuprófið er aðeins fyrir þá sem staðist hafa skriflegt inntökupróf á netinu þann 10. mars.
Próftökugjald er 15.000 kr. Greiðslan fer fram í gegnum umsóknargátt eftir að umsækjendur hafa verið samþykktir í próf.
Umsækjendur geta sent póst á netfangið icelandic@hi.is fyrir nánari upplýsingar.
