Meistarapróf (MS) í líftölfræði eða skyldum greinum á stigi 6.2 með a.m.k. 30 ECTS lokaverkefni og fyrstu einkunn, 7,25. Heimilt er að veita undanþágu þeim umsækjendum sem hafa lokið 90-120 ECTS meistaraprófi á stigi 6.1 með lokaverkefni undir 30 ECTS, hafi þeir í umsókn sinni gert grein fyrir rannsóknarreynslu, sem fastanefnd metur sem ígildi 30 ECTS lokaverkefnis.

Umsækjendur þurfa einnig að hafa lokið eftirfarandi eða sambærilegum námskeiðum:
STÆ104G Stærðfræðigreining I
STÆ107G Línuleg algebra
STÆ203G Líkindareikningur og tölfræði
LÝÐ202F Verklag í vísindum
LÝÐ107F Faraldsfræði
LÝÐ105F Líftölfræði I
LÝÐ301F Klínísk spálíkön.

Í sérstökum tilfellum getur stjórn námsins, í samráði við doktorsnámsnefnd hlutaðeigandi fræðasviðs, heimilað umsækjanda að leggja inn umsókn áður en skilyrði um námskeið er að fullu uppfyllt, og ljúka völdum námskeiðum á fyrsta ári námsins.

Staðfestingu á enskukunnáttu er krafist sé íslenska ekki fyrsta tungumál umsækjanda.