Ljúka þarf 210 ECTS fyrir lokapróf. Doktorsnám samanstendur af 180 ECTS ritgerð og 30 ECTS í námskeiðum á fræðasviðum doktorsverkefnis. Gera má kröfu um að nemandi í doktorsnámi taki þar að auki allt að 60 eininga bóknámshluta, sé talin þörf á að bæta við undirstöðuþekkingu nemandans á fræðasviði ritgerðarinnar. Bóknámshluta námsins má sinna jafnt í lesnámskeiðum sem almennum námskeiðum á framhaldsstigi. Doktorsnemar sem hafa lokið bæði grunn- og meistaranámi við íslenska háskóla skulu taka hluta af námi sínu við erlenda háskóla.