Xiaolu Guo í Reykjavík: Að þýða menningu

Kínversk-breski listamaðurinn, rithöfundurinn og kvikmyndagerðarkonan Xiaolu Guo heldur fyrirlestur þriðjudaginn 28. ágúst í Veröld - húsi Vigdísar. Uppvaxtarsaga hennar, Einu sinni var í austri, kom út hjá Angústúru fyrir tæpu ári síðan í þýðingu Ingunnar Snædal, og hefur heillað íslenska lesendur. Að fyrirlestrinum og umræðum loknum verður sýnd heimildarmyndin We Went to Wonderland sem Xiaolu Guo gerði um heimsókn foreldra sinna til Evrópu.

Fyrirlestur Xiaolu Guo er fyrsti viðburðurinn í fyrirlestraröðinni „Menning, tungumál, þýðingar“ á vegum Stofnunar Vigdísar Finnbogadóttur.

Fyrirlesturinn fer fram á ensku. Allir velkomnir á meðan húsrúm leyfir.