Vorbrautskráning Háskóla Íslands

Brautskráning kandídata í grunn- og framhaldsnámi frá Háskóla Íslands fer fram í Frjálsíþróttahöllinni í Laugardal (nýju Laugardalshöllinni) laugardaginn 25. júní.

Brautskráningunni verður skipt í tvær athafnir líkt og undanfarin ár og að þessu sinni er hún opin bæði brautskráningarkandídötum og gestum þeirra (tveir gestir að hámarki með hverjum kandídat). Athöfnunum verður einnig streymt í beinni (sjá hér að neðan).

Fyrri athöfnin verður kl. 10 en þá taka nemendur í grunn- og framhaldsnámi við Félagsvísindasvið og Verkfræði- og náttúruvísindasvið við skírteinum sínum.

Bein útsending frá fyrri brautskráningarathöfn

Síðari athöfnin hefst kl. 13.30 en þá taka nemendur í grunn- og framhaldsnámi við Heilbrigðisvísindasvið, Hugvísindasvið og Menntavísindasvið við skírteinum sínum.

Bein útsending frá seinni brautskráningarathöfn

Brautskráningarkandídatar fá sent bréf með nánari upplýsingum um fyrirkomulag athafnanna.

Bréf vegna fyrri athafnar

Bréf vegna seinni athafnar

Starfsfólk Háskólans verður enn fremur á staðnum á brautskráningunni og leiðbeinir kandídötum um sætaskipan.

Leiðbeiningar fyrir streymi og svör við algengum spurningum

1. Get ég horft á viðburðinn í snjallsímanum mínum eða spjaldtölvu?
- Þú getur horft á streymið í vafra í snjallsíma eða spjaldtölvu.

2. Get ég notað Chromecast eða Airplay?
- Já, það birtist lítill “Cast” hnappur neðst í spilaranum sem þú smellir á til að senda strauminn í sjónvarpið þitt. Skoðaðu leiðbeiningarnar sem fylgdu þínu tæki.

3. Verður viðburðurinn aðgengilegur eftir að honum lýkur?
- Hægt verður að horfa á viðburðinn aftur að honum loknum á þessari vefslóð og eða á YouTube rás Háskóla Íslands.

4. Get ég horft á viðburðinn í gegnum Apple TV?
- Þú getur notað tækni á borð við AirPlay til að tengja t.d. síma eða tölvu við Apple TV.

5. Streymið mitt höktir, hvað er til ráða?
- Prófaðu að nota annað tæki, t.d. snjallsíma.
- Notaður Chrome vafrann eða Safari.
- Skiptu yfir í 4G, það virkar oft betur en WiFi, þó að nettenging sé hröð.