Vigdísarverðlaunin 2022

Vigdísarverðlaunin 2022 verða veitt í Hátíðasal Aðalbyggingar Háskóla Íslands miðvikudaginn 5. október kl. 15.

Verðlaunin eru árlega veitt einstaklingi, félagasamtökum, stofnunum eða öðrum sem brotið hafa blað með störfum sínum í þágu tungumála, menningarheima og þýðingastarfs. Verðlaunin voru sett á laggirnar til að heiðra og vekja athygli á lofsverðu framlagi Vigdísar Finnbogadóttur, fyrrum forseta Íslands, til menningar og tungumála. Að verðlaununum standa Háskóli Íslands, menningar- og viðskiptaráðuneytið fyrir hönd íslenskra stjórnvalda og Vigdísarstofnun – alþjóðleg miðstöð tungumála og menningar.

Öll velkomin meðan húsrúm leyfir. Viðburðurinn fer fram á ensku og verður jafnframt streymt.