Útgáfa vorheftis tímaritsins Stjórnmál & stjórnsýsla 18. júní 2019 | Háskóli Íslands Skip to main content

Útgáfa vorheftis tímaritsins Stjórnmál & stjórnsýsla 18. júní 2019

Hvenær 
18. júní 2019 16:30 til 17:30
Hvar 

Háskólatorg

101 (Ingjaldsstofa)

Nánar 
Aðgangur ókeypis

Útgáfuboð og fyrirlestur í tilefni af útkomu 1. tbl. 15. árg. tímaritsins Stjórnmál & stjórnsýsla verður haldið þriðjudaginn 18. júní, kl. 16:30, í stofu HT101 (Ingjaldsstofa), í Háskóla Íslands.

Vefslóð Stjórnmála & stjórnsýslu er: www.irpa.is

Við opnunina kynnir Gylfi Dalmann Aðalsteinsson, dósent við Viðskiptafræðideild HÍ, grein þeirra Þórhalls Arnars Guðlaugssonar, sem er meðal efnis í tímaritinu. Fyrirspurnir og umræður verða að loknu erindi hans, og síðan verður boðið upp á léttar veitingar á annari hæð Odda.

Öll velkomin.

Grein Gylfa og Þórhalls ber titilinn Stéttarfélagsaðild á Íslandi. Í greininni rekja þeir þróun stéttarfélagsaðildar hér á landi frá árinu 1994 til 2016. Mikil umræða hefur verið í Evrópu um minnkandi stéttarfélagsaðild undanfarin 20 ár en þróun stéttarfélagsaðildar á Íslandi hefur verið með öðrum hætti því hér á landi hefur aðildin haldist nokkuð stöðug.  öfundar setja fram sjö yrðingar (proposition) sem skýrt geta háa stéttarfélagsaðild á Íslandi: (1) forgangsréttarákvæði kjarasamninga, (2) skylda atvinnurekenda til að innheimta félagsgjöld starfsmanna, (3) fjöldi opinberra starfsmanna á íslenskum vinnumarkaði, (4) markviss vinna stéttarfélaga að gera aðild að stéttarfélögum aðlaðandi með fjölbreyttri þjónustu, (5) sérstök áhersla stéttarfélaga til að ná til ungs fólks á vinnumarkaði,  (6) tenging félagsaðildar við lífeyrissjóðakerfið á sínum tíma og (7) „Ghent kerfið” sem byggði á því að atvinnuleysisbætur tengdust stéttarfélagsaðild.

Greinarnar í tímaritinu fjalla um fjölbreytt efni íslenskrar stjórnsýslu og stjórnmála og eftirfarandi ritrýndar greinar eru birtar að þessu sinni:

  • Local administrative capacity based on the presence of expert staff in municipal city halls and inter-municipal cooperation entities. Höfundur: Eva Marín Hlynsdóttir
  • Decision-making efficiency, accountability and democracy in inter-municipal cooperation arrangements: The case of Iceland. Höfundur: Grétar Þór Eyþórsson. 
  • Do municipal amalgamations affect interregional migration? Höfundar: Vífil Karsson og Grétar Þór Eyþórsson.
  • Stéttarfélagsaðild á Íslandi. Höfundar: Gylfi Dalmann Aðalsteinsson og Þórhallur Örn Guðlaugsson.
  • Kynferðisleg áreitni á vinnustað: Aðgerðir, aðgerðaleysi og leiðin fram á við. Höfundar: Gyða Margrét Pétursdóttir og Kristín Anna Hjálmarsdóttir.
  • Opinber stefna, skólakerfið og hlutverk kennara – viðbragðsbúnaður skólans. Höfundar: Sigrún Harðardóttir og Sigrún Júlíusdóttir.
  • Ritstjóri Stjórnmála & stjórnsýslu er Gunnar Helgi Kristinsson, prófessor við stjórnmálafræði-deild Háskóla Íslands, en auk hans sitja í ritstjórn þau: Agnar Freyr Helgason, Eva H. Önnudóttir, Eva Marín Hlynsdóttir og Sjöfn Vilhelmsdóttir. Útgefandi tímaritsins er Stofnun stjórnsýslufræða og stjórnmála við Háskóla Íslands.

    Allar nánari upplýsingar veitir Sjöfn Vilhelmsdóttir, forstöðumaður Stofnun stjórnsýslufræða og stjórnmála, í síma 525-5454 eða í gegnum netfangið sjofn@hi.is

    Útgáfuboð og fyrirlestur í tilefni af útkomu 1. tbl. 15. árg. tímaritsins Stjórnmál & stjórnsýsla og mun Gylfi Dalmann Aðalsteinsson, dósent við Viðskiptafræðideild HÍ, kynna grein þeirra Þórhalls Arnars Guðlaugssonar, Stéttafélagsaðild á Íslandi. 

    Útgáfa vorheftis tímaritsins Stjórnmál & stjórnsýsla 18. júní 2019