Um ritmiðillinn Rilke, Minnisblöð Maltes Laurids Brigge og ósjálfráð skrif
Benedikt Hjartarson, prófessor í bókmenntafræði við Háskóla Íslands, heldur fyrirlesturinn "„Sá dagur mun koma að hönd mín verður mér fjarlæg": Um ritmiðillinn Rilke, Minnisblöð Maltes Laurids Brigge og ósjálfráð skrif".
Í erindinu er fjallað um verk austurrísk-ungverska skáldsins Rainers Marias Rilke, tengsl þeirra við hefð spíritisma og ósjálfráð skrif. Í brennidepli er eina skáldsaga Rilkes, Minnisblöð Maltes Laurids Brigge frá árinu 1910. Um leið er hugað að hlutverki spíritisma og annarra dulspekistrauma við mótun framsækinna nútímabókmennta á öndverðri tuttugustu öld.
Fyrirlesturinn birtist á facebook síðu Vigdísarstofnunar þann 9. mars.
„Sá dagur mun koma að hönd mín verður mér fjarlæg": Um ritmiðillinn Rilke, Minnisblöð Maltes Laurids Brigge og ósjálfráð skrif