Störf: Íslenskur vinnumarkaður
Háskólatorg
Litla torg
Hluti af dagskrá Framtíðardaga Háskóla Íslands:
Tengslatorg HÍ – virk tengsl við atvinnulífið
Jónína Kárdal, náms- og starfsráðgjafi og verkefnisstjóri Tengslatorgs HÍ
Tengslatorg HÍ (THí) er atvinnumiðlun fyrir stúdenta Háskóla Íslands. Jónína kynnir á hvern hátt Háskóli Íslands stuðlar að öflugri tengingu við atvinnulífið í gegnum THÍ, með það að leiðarljósi að auðvelda yfirfærslu úr námi og yfir í starf.
Staðan á íslenskum vinnumarkaði
Karl Sigurðsson, sérfræðingur hjá Vinnumálastofnun
Í erindinu verður fjallað um stöðu á vinnumarkaði í víðu samhengi, þróun starfa og menntunar vinnuafls undanfarin ár, hverjar horfurnar eru á komandi árum og hvernig staða á vinnumarkaði tengist búferlaflutningum til og frá landinu. Sérstaklega verður horft til þróunar háskólamenntunar og starfa fyrir háskólamenntaða á vinnumarkaði og hvort samræmi sé á milli menntunar og vinnuafls og framboðs starfa.
Vinnumarkaðurinn 2.0
Davíð Þorláksson, forstöðumaður samkeppnishæfnisvið Samtaka atvinnulífsins
Davíð Þorláksson forstöðumaður samkeppnishæfnisviðs Samtaka atvinnulífsins (SA) mun segja frá SA og hvað þau hafa áhyggjur af á vinnumarkaðnum og tengist ungu fólki. Einnig hvernig er mikilvægt að vinnubrögð á vinnumarkaðnum breytist til samræmis við það sem gerist á Norðurlöndunum.
Að landa starfinu
Gyða Kristjánsdóttir, mannauðsráðgjafi hjá Hagvangi
Það sem ÞÚ getur gert til þess að landa starfinu. Komið inná mikilvæg áhersluatriði sem auka líkurnar á að eftir þér sé tekið fyrir viðkomandi starf, bæði atriði hvað varða umsóknina sjálfa, framkomu í viðtölum og önnur atriði sem nauðsynlegt er að hafa í huga sem geta skipt sköpum uppá þína möguleika.
Sjá nánar á www.nshi.hi.is/framtidardagskra