Ráðstefna um fjöltyngi og tungumálanám og kennslu unga barna

Menntavísindasvið Háskóla Íslands og Stofnun Vigdísar Finnbogadóttur í erlendum tungumálum standa fyrir alþjóðlegri ráðstefnu um fjöltyngi og tungumálanám og kennslu unga barna dagana 13.-15. júní 2018 í Veröld, húsi Vigdísar.

Ráðstefnunni er ætlað að kynna og miðla því sem efst er á baugi í kennslu og rannsóknum á sviði fjölmenningar og tungumálanámi barna í leik- og grunnskóla í Evrópu og víðar.

Áhugasömum fræðimönnum, kennurum og sérfræðingum á sviði mennta-, hug- og félagsvísinda er boðið að senda inn 350 orða ágrip fyrir 15. desember nk. Ágripið þarf að innihalda stutta lýsingu á markmiði rannsóknar, aðferðum og helstu niðurstöðum eða lærdómi. Ráðstefnan fer fram á ensku.

Sjá nánari upplýsingar um ráðstefnuna og skil ágripa.