Ólgublóð/Restless Blood - útgáfuhóf

Útgáfu bókarinnar Ólgublóð / Restless Blood verður fagnað í Hannesarholti miðvikudaginn 8. febrúar kl. 17 ̶ 18.

Bókin Ólgublóð / Restless Blood, sem geymir úrval ljóða eftir Hannes Hafstein með enskum þýðingum Ástráðs Eysteinssonar og Júlíans Meldons D‘Arcy, er komin út á vegum Stofnunar Vigdísar Finnbogadóttur og Háskólaútgáfunnar. Birna Bjarnadóttir er ritstjóri. Bókin hefur að geyma 35 ljóð eftir Hannes Hafstein og þýðingar Ástráðs og Júlíans, auk eftirmála Ástráðs.

Útgáfunni verður fagnað í Hannesarholti 8. febrúar kl. 17 ̶ 18. Þeir Ástráður og Júlían munu greina frá efni bókarinnar og flytja nokkur ljóð Hannesar á íslensku og ensku.

Guðmundur Hálfdánarson mun við sama tækifæri flytja afmælisávarp. Hann situr í stjórn Hannesarholts og er formaður Menningarráðs þess.

Léttar veitingar. Allir velkomnir.