Meistarafyrirlestur í verkfræðilegri eðlisfræði - Ragnar Dzosua Builong Jónsson
Veröld - Hús Vigdísar
V008
Meistaranemi: Ragnar Dzosua Builong Jónsson
Heiti verkefnis: Samsettar bór-íbættar LaAlO3 (Bx-LAO1-x) nanóhimnur.
___________________________________________
Deild: Raunvísindadeild
Leiðbeinendur: Dr. Hafliði Pétur Gíslason, prófessor við Raunvísindadeild
Einnig í meistaranefnd: Dr. Dae-Sung Park, Swiss Federal Institute of Technology, Lausanne, Switzerland.
Prófdómari: Dr. Halldór Guðfinnur Svavarsson, prófessor við Háskólann í Reykjavík.
Ágrip
Framleiðsla flókinna samskeyta oxíða á frumeindakvarða hefur í för með sér margs konar ný eðlisfræðileg ferli og virka eiginleika sem gagnast í næstu kynslóð þéttefnistóla. Í ritgerðinni er kynnt ný gerð þéttefniskerfa, LaAlO3/LaBO3 samsettar nanóhimnur (LABO), sem hefur einstaka uppbyggingu innan himnanna og fjölbreytta eiginleika. Íbæting með bór atómum í milligrindarsætum veldur einstökum rafleiðnieiginleikum og sterkri járnseglun í hinum einangrandi og óseglandi oxíðkerfum. Þetta er afleiðing íbætingar með léttum frumeindum í milligrindasæti í stað hefðbundinnar íbætingar með frumeindum í grindarsæti. Ritgerðin lýsir nýrri sýn á hönnun segulmagnandi, jónaleiðandi þunnhúða. Hægt er að raða sjálfsprottnum nanósúlum í LABO himnum upp í lóðrétt fjölsamskeyti sem nýta mætti til að fá fram ýmiss konar eiginleika, til að mynda valtengingu viðnáms, sérstök segulhrif og ljósröfun. Verkefnið varðar veginn að nýrri gerð virkra himna úr oxíðum.