Meistarafyrirlestur í iðnaðarverkfræði - Berglind Svana Blomsterberg
Fyrirlesturinn fer fram á zoom: https://eu01web.zoom.us/j/64084302017
Meistaranemi: Berglind Svana Blomsterberg
Heiti verkefnis: Innleiðing á umbúðalausum þurrmat í lágvöruverslun með aðferðum þjónustuhönnunar
___________________________________________
Deild: Iðnaðarverkfræði, vélaverkfræði og tölvunarfræðideild
Leiðbeinandi: Gunnar Stefánsson, prófessor við Iðnaðarverkfræði, vélaverkfræði og tölvunarfræðideild
Einnig í meistaranefnd: Rögnvaldur J. Sæmundsson, prófessor við Iðnaðarverkfræði, vélaverkfræði og tölvunarfræðideild
Prófdómari: Marina Candi, forstöðumaður doktorsnáms í viðskiptafræði við Háskólann í Reykjavík
Ágrip
Aukin vitundavakning á sorpvandamáli heimsins hefur opnað fyrir nýjan markað þar sem boðið er upp á umbúðalausar vörur. Hingað til hefur ekki verið mikil trú á að slík þjónusta þrífist í lágvöruverslunum á Íslandi. Þetta verkefni var unnið í samvinnu við Krónuna en hún er lágvöruverslun sem vill vera leiðandi í umhverfismálum. Markmið verkefnisins var að nota aðferðir þjónustuhönnunar til að hanna flæðirit yfir sölu á umbúðalausum þurrmat í lágvöruverslun og bera saman markaðslausnir. Gerð var eigindleg rannsókn í formi viðtala.
Innsýn og niðurstöður voru bornar fram á myndrænan hátt að hætti þjónustuhönnunar. Markaðslausn var valin út frá niðurstöðum rannsóknarinnar ásamt því að þjónustuflæðirit sem tekur tillit til upplifana viðskiptavina og hámarksnýtingu aðfanga var teiknað. Höfundur verkefnisins telur að aðferðin henti verkefninu vel og að góðar líkur séu á því að slík þjónusta þrífist í lágvöruverslun sem hluti af langtímasjónarmiði.