Málstofa um dóm Mannréttindadómstóls Evrópu vegna skipunar dómara við Landsrétt

Lagastofnun Háskóla Íslands efnir til málstofu miðvikudaginn 20. mars nk. kl. 12:00 í Öskju, Háskóla Íslands, stofu N-132, í tilefni af dómi Mannréttindadómstóls Evrópu 12. mars.

Bein útsending frá málstofunni

Í dóminum var komist að þeirri niðurstöðu að skipun dómara við Landsrétt hafi ekki samræmst kröfum 6. gr. Mannréttindasáttmála Evrópu um að skipan dómstóls skuli ákveðin með lögum. Á málstofunni munu framsögumenn ræða efni dómsins og eftirmála hans hér á landi.

Framsögumenn: Davíð Þór Björgvinsson dómari í Landsrétti, Björg Thorarensen prófessor, Trausti Fannar Valsson dósent, Kristín Benediktsdóttir dósent og Ingibjörg Þorsteinsdóttir héraðsdómari og formaður dómarafélagsins.