Málstofa Guðfræðistofnunar: Íslenskar bænir fram um 1600

Svavar Sigmundsson, fyrrverandi rannsóknarprófessor, flytur fyrirlesturinn „Íslenskar bænir fram um 1600“ á málstofu Guðfræðistofnunar í stofu 229 í Aðalbyggingu HÍ, mánudaginn 18. febrúar kl. 11:40. 

Fjallað verður um tildrög bænaútgáfunnar, Íslenskar bænir fram um 1600, sem út kom hjá Stofnun Árna Magnússonar á sl. ári. Lýst verður varðveislu bænanna í handritum og fyrri útgáfum einstakra bæna, sömuleiðis rætt um erlendar heimildir og notkun íslensku bænanna í samfélaginu.