Málfræðilegt kyn, kyngervi og vísanir til fólks: Hvað er að gerast í þýskri tungu?
Veröld - Hús Vigdísar
007
Málfræðilegt kyn, kyngervi og vísanir til fólks: Hvað er að gerast í þýskri tungu?
Mánudaginn 26. mars, kl. 16:45, heldur Klaus Geyer, dósent við Suðurdanska háskólann í Óðinsvéum, fyrirlestur á vegum námsgreinarinnar þýsku í Mála- og menningardeild í stofu 007 í Veröld – Húsi Vigdísar.
Þegar þýskt málsamfélag virtist eftir áratugalanga umræðu hafa samþykkt réttmæti þess að í orðavali bæri að vísa með viðeigandi hætti til bæði karla og kvenna skaut nýtt vandamál upp kollinum: Hvað kyngervi eða félagslegt kyn varðar er hefðbundin tvígreining í karla og konur orðin úrelt og gera þarf ráð fyrir fleiri valkostum. Í fyrirlestrinum verður fjallað um hvaða möguleika þýsk tunga hafi til að bregðast við þessum nýja samfélagslega veruleika.
Fyrirlesturinn verður haldinn á þýsku og er öllum opinn.
Klaus Geyer, dósent við Suðurdanska háskólann í Óðinsvéum