Líkamar, hlutir, rými og menntun - Dennis Francis | Háskóli Íslands Skip to main content

Líkamar, hlutir, rými og menntun - Dennis Francis

Líkamar, hlutir, rými og menntun - Dennis Francis  - á vefsíðu Háskóla Íslands
Hvenær 
28. september 2021 14:00 til 15:00
Hvar 

Á netinu

Nánar 
Aðgangur ókeypis

Dennis Francis (hán) er fræðimaður og aktívisti frá Suður-Afríku. Hán hefur einkum fengist við rannsóknir á kyngervi og kynverund innan skóla og menntunar. Hán starfar í dag sem prófessor í félagsfræðum við Stellenbosch háskóla í Suður-Afríku. Í fyrirlestrinum mun hán fjalla um efni sem tekið verður fyrir í væntanlegri bók um hinsegin aktívisma og menntun í Suður-Afríku.

Fyrirlesturinn fer fram á ensku.

Beint streymi

Um fyrirlesturinn

Í þessum fyrirlestri verður kastljósinu beint að kyngervi, kynverund og skólum (menntun) og þá fjallað um hvernig líkamar dragast að tilteknum hlutum og rýmum. Byggt verður á vitnisburði skólastjórnenda, kennurum, hinsegin og gagnkynhneigðum nemendum til að draga fram hvernig sískynja gagnkynhneigðarhyggja beinir líkömum (einstaklingum) í ákveðnar áttir. Verður því velt upp hvað gerist þegar við förum yfir hin gagnkynhneigðu mörk. Jafnframt verður rætt hvernig sískynja gagnkynhneigðarhyggja verður leiðandi í að beina einstaklingum inn á tilteknar brautir og draga í dilka þá sem ekki falla að hinu gagnkynhneigða viðmiði. Trans- og hómófóbía býr til félagslegt stigveldi og flokkar einstaklinga út frá ríkjandi gildum. Í fyrirlestrunum verður reynt að leita skýringa á þessu með því að styðjast við verk Sara Ahmed um hrif og tilfinningar, og þá hvernig tilfinningar færast manna á milli og endurframleiða valdatengsl á grundvelli kyngervis og kynverundar.

Dennis Francis (hán) er fræðimaður og aktívisti frá Suður-Afríku. Hán hefur einkum fengist við rannsóknir á kyngervi og kynverund innan skóla og menntunar. Hán starfar í dag sem prófessor í félagsfræðum við Stellenbosch háskóla í Suður-Afríku. Í fyrirlestrinum mun hán fjalla um efni sem tekið verður fyrir í væntanlegri bók um hinsegin aktívisma og menntun í Suður-Afríku.

Líkamar, hlutir, rými og menntun - Dennis Francis