Kynning á bókinni Corporate Social Responsibility in the Arctic
Aðalbygging
Hátíðasalur
Bókin Corporate Social Responsibility in the Arctic - The New Frontiers of Business, Management, and Enterprise eftir þær Gisele M. Arruda, prófessor við Háskólann í Aberdeen í Skotlandi, og Láru Jóhannsdóttur, prófessor við Háskóla Íslands, verður kynnt á hnattrænum viðburði sem steymt verður frá Hátíðasal Háskóla Íslands þriðjudaginn 14. september 2021 kl. 15.
Það er Routledge-bókaforlagið sem gefur bókina út. Bókin tengist þeim vistfræðilegu, félagslegu og efnahagslegu breytingum sem eru að eiga sér stað á norðurheimskautssvæðinu, þeim áhrifum sem breytingarnar hafa á íbúa og vistkerfi og hlutverki og ábyrgð fyrirtækja í að tryggja að sjálfbæra þróun svæðisins.
Bókin er innlegg inn í þá umræðu að gera norðurheimskautið að sjálfbærum stað þar sem fyrirtæki, frumkvöðlar, stjórnendur, vísindamenn, samfélag og vistkerfi geta vaxið og dafnað. Bókin fjallar um nýja stefnu og áherslur á sviði samfélagslegrar ábyrgðar fyrirtækja sem hafa mun áhrif á alþjóðleg viðskipti og viðskiptasiðfræði.
Auk höfunda bókarinnar taka hr. Ólafur Ragnar Grímsson, fyrrverandi forseti Íslands, Donald Hislop, prófessor við Háskólann í Aberdeen, dr. Nathalie Hilmi, einn af höfundum skýrslna á vegum Milliríkjanefndar Sameinuðu þjóðanna um um loftslagsbreytingar (IPCC) og vísindamaður við Monaco Scientific Center, Hafdís Hanna Ægisdóttir, forstöðumaður Stofnunar Sæmundar fróða, Hrund Gunnsteinsdóttir, framkvæmdastjóri Festu – miðstöðvar um samfélagslega ábyrgð og sjálfbærni, og Berglind Rán Ólafsdóttir, framkvæmdastýra Orku náttúrunnar, þátt í viðburðinum. Fundarstjóri er Pia Hansson, forstöðumaður Alþjóðamálastofunar Háskóla Íslands.
Að viðburðinum standa námsbraut í umhverfis- og auðlindafræði, Viðskiptafræðideild Háskóla Íslands, Alþjóðamálastofnun Háskóla Íslands, Rannsóknarsetur um norðurslóðir, Stofnun Sæmundar fróða, Fulbright-stofnunin á Íslandi, Festa – miðstöð um samfélagslega ábyrgð og sjálfbærni auk Háskólans í Aberdeen í Skotlandi.
MYND/Cindy Hopkins/ Alamy Stock Photo
Bókin Corporate Social Responsibility in the Arctic - The New Frontiers of Business, Management, and Enterprise eftir þær Gisele M. Arruda, prófessor frá Háskólanum í Aberdeen í Skotlandi, og Láru Jóhannsdóttur, prófessor við Háskóla Íslands, verður kynnt á hnattrænum viðburði sem steymt verður frá Hátíðasal Háskóla Íslands þriðjudaginn 14. september 2021 kl. 15.
