Ian McEwan tekur við Bókmenntaverðlaunum Halldórs Laxness

Breski rithöfundurinn Ian McEwan tekur á móti Alþjóðlegum bókmenntaverðlaunum Halldórs Laxness við hátíðlega athöfn í Veröld - húsi Vigdísar þann 19. september næstkomandi klukkan 11:30. Forsætiráðherra, Katrín Jakobsdóttir, afhendir verðlaunin og þá mun þýðandi McEwan, Árni Óskarsson, segja frá höfundinum og verkum hans. Að því loknu flytur McEwan sjálfur erindi.

Frítt verður inn á viðburðinn og allir velkomnir meðan húsrúm leyfir.

Penninn Eymundsson mun vera á staðnum og selja bækur McEwans eftir athöfnina, þá verður hægt að nálgast áritanir hjá höfundinum.

Viðburðurinn er haldinn í samstarfi Bókmenntahátíðar og Vigdísarstofnunar.

facebook