Hugurinn ber mig hálfa leið — málþing um bernskulæsi | Háskóli Íslands Skip to main content

Hugurinn ber mig hálfa leið — málþing um bernskulæsi

Hvenær 
8. nóvember 2019 14:00 til 17:00
Hvar 

Stakkahlíð / Háteigsvegur

Skriða

Nánar 
Aðgangur ókeypis

Föstudaginn 8. nóvember stendur Bókmenntaborgin Reykjavík, í samvinnu við SÍUNG - félag barnabókahöfunda, Fyrirmynd - félag myndhöfunda og Menntavísindasvið HÍ, fyrir málþingi um bernskulæsi í víðum skilningi í Skriðu, sal Menntavísindasviðs HÍ í Stakkahlíð. Þingið, sem stendur frá kl. 14 – 17, er öllum opið og aðgangur er ókeypis. Sjónum verður beint að mikilvægi orðlistar, mynda og tóna í lífi ungra barna og fjallað um þetta efni frá ólíkum hliðum.

Málþingið á erindi til allra sem sinna ungum börnum eða koma að málefnum sem þau varða, kennara og annars starfsfólks á leikskólum, bókasafnafólks, rit- og myndhöfunda, fræðimanna, foreldra og aðstandenda barna og allra annarra sem áhuga hafa á þessu mikilvæga málefni.

Kynnir og stjórnandi málþingsins verður Ingimar Waage, lektor í listkennslu við Listaháskóla Íslands.

DAGSKRÁ:

Anna Þorbjörg Ingólfsdóttir, lektor við Menntavísindasvið HÍ:
„Þykist þú kunna að lesa, eða hvað?“
Í erindinu fjallar Anna um bernskulæsi og mikilvægi þess að börn hafi aðgang að vönduðum, fjölbreyttum og skemmtilegum bókum á heimilum sínum og í leikskólum.

Kristín Ragna Gunnarsdóttir, myndhöfundur og Anna Cynthia Leplar, myndhöfundur og deildarstjóri teiknibrautar Myndlistarskólans í Reykjavík:
„Máttur myndlýsinga: Mikilvægi myndmáls í barnabókum.“

Bryndís Loftsdóttir, Félagi íslenskra bókaútgefenda:
„Óskabækur leikskólabarna eða barnabækur fyrir kaupendur?“ Bryndís spjallar um þróun í sölu og útgáfu barnabóka síðustu ár.

HLÉ

Helga Rut Guðmundsdóttir, prófessor við Menntavísindasvið HÍ: „Engin tunga er án tóna. Um töfratengingar tóna og tungumáls.“

Ásgrímur Örnólfsson, aðstoðarleikskólastjóri:
„Frá skrímslum til Ljónshjarta. Ferðalag um bókheim Ægisborgar.“ Ásgrímur segir frá því hvernig hugað er að og unnið með bækur í leikskólanum Ægisborg en þar er mjög framsækið starf unnið á þessu sviði.

Ingimar Waage, lektor við LHÍ: Samantekt og umræður.

Að þinginu loknu verður boðið upp á léttar veitingar og notalega samveru á bókasafni Menntavísindasviðs.

Föstudaginn 8. nóvember stendur Bókmenntaborgin Reykjavík, í samvinnu við SÍUNG - félag barnabókahöfunda, Fyrirmynd - félag myndhöfunda og Menntavísindasvið HÍ, fyrir málþingi um bernskulæsi í víðum skilningi í Skriðu,

Hugurinn ber mig hálfa leið — málþing um bernskulæsi