Heimspekilegar áskoranir á farsóttartímum. Ársfundur Siðfræðistofnunar HÍ
Ársfundur Siðfræðistofnunar Háskóla Íslands fer fram föstudaginn 15. janúar kl. 14:00 –16:00. Hægt er að fylgjast með streymi frá fundinum með því að smella hér.
Vilhjálmur Árnason, stjórnarformaður, gerir grein fyrir starfsemi stofnunarinnar 2020 og verkefnum framundan.
Að lokinni framsögu stjórnarformanns hefst kynning á niðurstöðum rannsóknarverkefnisins Heimspekilegar áskoranir á farsóttartímum. Smellið hér til að lesa skýrsluna.
Verkefnið var styrkt af Nýsköpunarsjóði námsmanna og var unnið undir leiðsögn Eyju Margrétar Brynjarsdóttur, prófessors í heimspeki, Finns Dellsén, dósents í heimspeki og Vilhjálms Árnasonar, prófessors í heimspeki.
Frummælendur og höfundar skýrslunnar eru heimspekinemarnir Ásthildur Gyða Garðarsdóttir, Hörður Brynjar Halldórsson, Victor Karl Magnússon og Vígdís Hafliðadóttir.
Í kjölfar kynningarinnar fara fram pallborðsumræður um efni skýrslunnar. Í pallborði verða, auk leiðbeinanda, Ástríður Stefánsdóttir, dósent í hagnýtri siðfræði við Háskóla Íslands og Sigurður Kristinsson, prófessor í heimspeki við Háskólann á Akureyri.
Umræðum stýrir Vilhjálmur Árnason, prófessor í heimspeki og stjórnarformaður Siðfræðistofnunar.
Dagskrá
- 14:00 –14:25 Ársskýrsla stjórnarformanns
- 14:30 – 15:00 Heimspekilegar áskoranir á farsóttartímum (kynning)
- 15:00 – 16:00 Pallborðsumræður
Á ársfundinum fer fram kynning á niðurstöðum rannsóknarverkefnisins Heimspekilegar áskoranir á farsóttartímum. Verkefnið var styrkt af Nýsköpunarsjóði námsmanna og var unnið undir leiðsögn Eyju Margrétar Brynjarsdóttur, prófessors í heimspeki, Finns Dellsén, dósents í heimspeki og Vilhjálms Árnasonar, prófessors í heimspeki.