Háskóli framtíðarinnar - Ársfundur Háskóla Íslands

Ársfundur Háskóla Íslands fer fram fimmtudaginn 6. júní kl. 9.00-10.30 í Hátíðasal Aðalbyggingar skólans.

Framtíð háskólamenntunar, þverfræðilegt samstarf og samvinna Háskóla Íslands við atvinnulíf um námsleiðir framtíðarinnar verða til umræðu á ársfundinum og stjórnendur Háskólans og fulltrúar starfsfólks og nemenda veita innsýn í þá miklu deiglu námsþróunar sem á sér stað innan skólans.

Enn fremur verður varpað ljósi á þau fjölbreyttu samfélagsverkefni sem nemendur skólans sinna með menntun sína að vopni og þá verða í fyrsta sinn veitt sérstök verðlaun fyrir frumkvöðlastarf innan skólans.

Húsið verður opnað kl. 8.30 með morgunhressingu en formleg dagskrá hefst kl. 9.

Dagskrá
Kl. 9.00 Ávarp mennta- og menningarmálaráðherra – Lilja Dögg Alfreðsdóttir

Kl. 9.10 Háskóli framtíðarinnar – Jón Atli Benediktsson, rektor Háskóla Íslands

Kl. 9.35 Öflugt námssamfélag – Steinunn Gestsdóttir, aðstoðarrektor kennslumála og þróunar

Kl. 9.50 Áherslur og sýn stúdenta – Jóna Þórey Pétursdóttir, forseti Stúdentaráðs

Kl. 10 Áskoranir nútímans
Komdu að kenna! – Stórsókn í kennaramenntun – Kolbrún Þ. Pálsdóttir, forseti Menntavísindasviðs

Framtíðin er í húfi: Þverfræðilegt nám í umhverfis- og auðlindafræðum – Lára Jóhannsdóttir, prófessor

Samstarf til framtíðar: Nýtt þverfræðilegt meistaranám í iðnaðarlíftækni við Háskóla Íslands í samstarfi við Alvotech – Jens Guðmundur Hjörleifsson, lektor í iðnaðarlíftækni

Kl. 10.15 Frumkvæði og forysta – ársfundarverðlaun Háskóla Íslands

Fundarstjóri: Guðbjörg Linda Rafnsdóttir, aðstoðarrektor vísinda

Ársfundurinn er opinn öllum áhugasömum og verður streymt.