Fyrirlestur um siðfræði rannsókna
Aðalbygging
Hátíðasalur
Fimmtudaginn 28. mars mun Hans van Delden, prófessor í heilbrigðissiðfræði við UMC, læknadeild Utrecht-háskóla í Hollandi, halda fyrirlestur í boði Siðfræðistofnunar um þátttöku almennings í rannsóknum (Community Participatory Research). Siðfræðileg viðmið um þetta efni hafa lítið verið rætt hérlendis, en þó er óvíða jafnmikil þátttaka almennings í heilbrigðis- og erfðarannsóknum. Þegar CIOMS-viðmiðin um siðfræði rannsókna á mönnum voru endurskoðaðar síðast var bætt inn kafla um þetta efni og leiddi Hans van Delden þá vinnu. Hann stýrir líka verkefni um þátttöku sjúklinga og almennings í rannsóknum við læknadeild Utrecht háskóla.
Johannes (Hans) van Delden (1960), prófessor við læknadeild Utrecht háskóla, er formaður lífsiðfræðinefndar Unesco og fyrrverandi forseti CIOMS, alþjóðaráðs læknavísinda sem hefur mótað siðareglur um rannsóknir á mönnum.
Fyrirlesturinn verður í Hátíðasalnum í hádeginu 28. mars og hefst kl. 12.
Hans van Delden, prófessor í heilbrigðissiðfræði við læknadeild Utrecht-háskóla í Hollandi.