Skip to main content

Fyrirlestur: Guðmundur Arason hinn góði í sagnaspegli 14. aldar.

Hvenær 
22. janúar 2018 11:40 til 13:00
Hvar 

Aðalbygging

Stofa 229

Nánar 
Aðgangur ókeypis

Mánudaginn 22. janúar n.k. heldur dr. Gunnvör Sigríður Karlsdóttir fyrirlestur á málstofu í boði Guðfræðistofnunar HÍ í stofu 229 í Aðalbyggingu Háskóla Íslands. Málstofan hefst kl. 11:40 og lýkur kl. 13.

Yfirskrift fyrirlestursins er: Guðmundur Arason hinn góði í sagnaspegli 14. aldar.

Í fyrirlestrinum mun Gunnvör ræða meginefni nýlegrar doktorsritgerðar sinnar um fjórar mismunandi sögur Guðmundar Arasonar Hólabiskups frá fyrri hluta 14. aldar. Vikið verður að fyrri rannsóknum, nálgun viðfangsefnisins, sameiginlegum einkennum þessara fjögurra sagnarita og sérkennum, löngum aðdraganda að ritun þeirra og mögulegu ritunarsamhengi. Að lokum verður staldrað við hugsanlegar skýringar á svo viðamikilli sagnaritun sem raun ber vitni um Guðmund biskup á tæplega hálfrar aldar tímabili eftir að vegsömun hans var heimiluð af kirkjuyfirvöldum árið 1315.

Dr. Gunnvör S. Karlsdóttir lauk BA prófi í íslensku 1998, MA prófi í íslenskum bókmenntum frá Íslensku- og menningardeild Háskóla Íslands 2009 og varði doktorsritgerð sína „Guðmundar sögur biskups. Þróun og ritunarsamhengi“ í október 2017. Leiðbeinandi var Ásdís Egilsdóttir, en í doktorsnefnd voru auk hennar Einar Sigurbjörnsson og Svanhildur Óskarsdóttir. Ritgerðin var hluti rannsóknarverkefnisins Encounters with the Paranormal sem styrkt var af Rannsóknasjóði Íslands.

Málstofan er öllum opin.

Dr. Gunnvör Sigríður Karlsdóttir

Fyrirlestur: Guðmundur Arason hinn góði í sagnaspegli 14. aldar.

Netspjall