FRESTAÐ: Charles Baudelaire et Caroline Aupick, l'idée si douce d'une mère
Veröld - Hús Vigdísar
2. hæð
Í tilefni af Hátíð franskrar tungu, mun bókmenntafræðingurinn Catherine Delons, sérfræðingur um Baudelaire, halda fyrirlestur á vegum námsleiðar í frönsku við Mála- og menningardeild Háskóla Íslands og Alliance française í Reykjavík. Fyrirlesturinn fer fram miðvikudaginn 18. mars á heimasvæði tungumála á 2. hæð í Veröld – Húsi Vigdísar kl. 17-18 og ber yfirskriftina Charles Baudelaire et Caroline Aupick, l'idée si douce d'une mère.
Catherine Delons, rithöfundur og fræðikona, er sérfræðingur um eitt merkasta ljóðskáld Frakka á 19. öld, Charles Baudelaire. Í erindi sínu mun hún fjalla um samband Baudelaire við móður sína, Caroline Aupick, áhrif móðurinnar á hugarheim skáldsins og birtingarmyndir hennar í ljóðum þess.
Fyrirlesturinn verður fluttur á frönsku og er öllum opinn.
Catherine Delons: Charles Baudelaire et Caroline Aupick, l'idée si douce d'une mère
