FRESTAÐ: Af Sigurdrífu og særingum

Á háskólatónleikum 25. mars flytur Umbra eigið verk með texta úr Sigurdrífumálum og verk Arngerðar Maríu Árnadóttur, Blóðvökvar burt takist, særingakvæði frá 16. öld. Bæði verkin verða frumflutt. Auk þess er á dagskránni Veröld fláa úr þjóðlagasafni séra Bjarna Þorsteinssonar.

Umbrur eru Lilja Dögg Gunnarsdóttir, flauta og söngur, Alexandra Kjeld, kontrabassi og söngur, Arngerður María Árnadóttir, harmóníum, keltnesk harpa og söngur, og Guðbjörg Hlín Guðmundsdóttir, fiðla og söngur.

Tónleikarnir hefjast kl. 12.30. Enginn aðgangseyrir er að tónleikunum og öll eru velkomin.