Fæðuhringurinn í Reykjavík – Ganga á vegum Háskóla Íslands í Nýsköpunarvikunni

Sólveig Ólafsdóttir, doktorsnemi í sagnfræði við Háskóla Íslands, leiðir gönguferð um sögu íslenskrar matarmenningar og nýjunga í íslenskri matargerð í miðborg Reykjavíkur fimmtudaginn 19. maí kl. 16-18.

Gangan en hluti af Nýsköpunarvikunni og er farin í samstarfi við Ferðafélag Íslands.

Við sögu í göngunni koma fyrstu búskaparár Ingólfs og Hallveigar í Reykjavík, sláturvellir, hamprækt, verksmiðjuframleiðsla á rúgbrauðum og gorkúluát svo fátt eitt er talið.

Gangan hefst í Fógetagarðinum í Aðalstræti. Þátttaka er ókeypis og öll velkomin.