Skip to main content

Endalaus hagvöxtur en hvað svo?

Endalaus hagvöxtur en hvað svo? - á vefsíðu Háskóla Íslands
Hvenær 
29. september 2022 15:00 til 16:30
Hvar 

Oddi

O-101

Nánar 
Viðburðurinn fer fram á ensku
Öll velkomin

Jon D. Erickson, höfundur bókarinnar „The Progress Illusion – Reclaiming Our Future from the Fairytale of Economics“ ræðir um undirliggjandi og alvarlega galla í hagfræðilegri nálgun í gegnum tíðina, sem hafa mótað bæði hagkerfi og samfélög okkar með skaðlegum hætti. Jafnframt varpar hann ljósi á hvað sé til ráða til að við getum mætt framtíðinni með betri hugsjónir að leiðarljósi? Hvernig getum við tryggt áframhaldandi hagsæld og félagslega velferð án þess að skaða náttúru og vistkerfi heimsins?

Jon D. Erickson er prófessor í visthagfræði og sjálfbærni við Háskólann í Vermont í Bandaríkjunum. Hann er afkastamikill höfundur fræðigreina og bóka, auk þess sem hann hefur unnið til Emmy verðlauna á sviði heimildamyndagerðar. Hann er gestaprófessor við Háskóla Íslands og hefur kennt námskeið í visthagfræði í framhaldsnámi í umhverfis- og auðlindafræði síðastliðin tíu ár. Sérsvið Ericksons er vistfræðileg hagfræði sem hefur stundum verið kölluð hagfræði sjálfbærrar þróunar.

Dagskrá:
Jon D. Erickson kynnir bókina „The Progress Illusion – Reclaiming Our Future from the Fairytale of Economics“

Katrín Oddsdóttir stýrir umræðum og samtali við Erickson um bókina og mögulegar samfélagslegar lausnir.

Viðburðurinn er haldinn af þverfræðilegu framhaldsnámi í umhverfis- og auðlindafræði og Stofnun Sæmundar fróða um sjálfbæra þróun við Háskóla Íslands.

Jon D. Erickson er prófessor í visthagfræði og sjálfbærni við Háskólann í Vermont í Bandaríkjunum. Hann er gestaprófessor við Háskóla Íslands og hefur kennt námskeið í visthagfræði í framhaldsnámi í umhverfis- og auðlindafræði síðastliðin tíu ár.

Endalaus hagvöxtur en hvað svo?