Eldri innflytjendur og staða þeirra; núverandi þróun og framtíðaráskoranir
Askja
N-121
Dr. Pnina Dolberg, Ben-Gurion Háskólanum í Negev, Ísrael, heldur fyrirlestur á vegum Félagsráðgjafardeildar og RBF (Rannsóknarstofnunar í barna - og fjölskylduvernd)
Öldrun þjóða og alþjóðlegir fólksflutningar einkenndu síðari hluta 20. aldararinnar um heim allan. Fyrirlesturinn fjallar um afleiðingar þessara tveggja atriða og samþættingu þeirra – aukins fjölda eldra fólks og fjölgun innflytjenda í iðnríkjum heims.
Sambandið milli fjölgunar eldri borgara og fólksflutninga endurspeglast á ýmsa vegu. Mikil eftirspurn er eftir yngri starfsmönnum sem yfirgefa heimaland sitt en eldra fólkið situr eftir. Efnahagslegum og félagsleglegum stöðugleika upprunalandanna gæti því verið ógnað.
Á undanförnum áratugum hefur eldri innflytjendum fjölgað verulega og er gert ráð fyrir að svo verði áfram. Hins vegar hefur staða eldri innflytjenda lítið verið rannsökuð. Í fyrirlestrinum verður vakin athygli a stöðu eldri innflytjenda og því stefnuleysi sem ríkir gagnvart þessum hópi.
Pnina Dolberg, Phd, er fræðikona á sviði innflytjenda og öldrunar. Hún kennir við Félagsráðgjafardeild Ben-Gurion Háskóla í Negev, Ísrael.
Pnina Dolberg, Phd, er fræðikona á sviði innflytjenda og öldrunar. Hún kennir við Félagsráðgjafadeild Ben-Gurion Háskóla í Negev, Ísrael.