Skip to main content

Dr. Haukur Arnþórsson kynnir nýútkomna bók sína „Um Alþingi: Hver kennir kennaranum?“

Dr. Haukur Arnþórsson kynnir nýútkomna bók sína „Um Alþingi: Hver kennir kennaranum?“ - á vefsíðu Háskóla Íslands
Hvenær 
24. október 2019 16:40 til 18:00
Hvar 

Háskólatorg

101 (Ingjaldsstofa)

Nánar 
Aðgangur ókeypis

Dr. Haukur Arnþórsson kynnir nýútkomna bók sína „Um Alþingi: Hver kennir kennaranum?“ og Ólafur Þ Harðarson ræðir valda hluta bókarinnar

Fundurinn er á vegum Félags stjórnmálafræðinga og Stofnunnar stjórnsýslufræða og stjórnmála og verður haldinn í HT-101 (Háskólatorg) í Háskóla Íslands fimmtudaginn 24.október, kl.16:40. Fundurinn er opinn öllum og aðgangur ókeypis.

Í bókinni koma fram nýjar upplýsingar og birt eru áður óþekkt og áhugaverð gögn og ætti hún að vekja áhuga, bæði sem innlegg í pólitíska umræðu og sem fréttaefni.

Niðurstöður bókarinnar eru m.a. (i) að einhver hluti laga frá Alþingi geti verið án lagagildis vegna þess að skilyrðum vandaðrar lagavinnslu er ekki mætt, (ii) að þingmenn séu að meirihluta til frá fjölskyldum í yfirstétt, einkum þeir sem mest völd hafa, (iii) að kynjamisrétti sé mikið meira í stjórnmálum en af er látið og feðraveldið einkenni störfin á Alþingi - og að kynbundið ofbeldi sé lifandi veruleiki í störfum Alþingis og (iv) að rentusókn alþingismanna, stjórnmálaflokka og kjördæma sé áberandi, ekki síst í þágu ákveðinna atvinnuvega, sem hafa sérstöðu á þinginu. Þá skína áhrif kosningakerfisins í gegn í umfjöllun bókarinnar.

Bókin byggist á gögnum úr gagnagrunnum Alþingis frá árunum 1991-2018 eða frá því þingið fór í eina deild. Hún er í fjórum hlutum sem hver og einn setur tiltekin gögn fram í sérstökum túlkunarramma: (i) Um starfsemi Alþingis, (ii) um félagslegan bakgrunn þingmanna, (iii) um kynjajafnrétti á Alþingi og (iv) um stjórnmálaágalla, einkum rentusókn þingmanna, atvinnuvega og kjördæma.

Undirtitill bókarinnar, Hver kennir kennaranum, vísar til hinnar sígildu spurningar heimspekinnar og þess að Alþingi er á ákveðinn hátt kennarinn í samfélaginu.

Útgefandi er bókaforlagið haukura ehf. Bókin er seld hjá Eymundsson um allt land, í Fríhöfninni og á netinu á vefsetrinu: haukura.is. Hún verður einnig til sölu eftir fundinn.

Fundurinn verður haldinn í HT-101 (Háskólatorg) í Háskóla Íslands fimmtudaginn 24.október, kl.16:40. Fundurinn er opinn öllum og aðgangur ókeypis.

Dr. Haukur Arnþórsson kynnir nýútkomna bók sína „Um Alþingi: Hver kennir kennaranum?“