Danskar og íslenskar bókmenntir - Gagnvegir í eina öld

Dönskudeildin og Stofnun Vigdísar Finnbogadóttur í erlendum tungumálum munu standa fyrir fyrirlestraröðinni Á mótum danskrar og íslenskrar menningar árið 2018, í tilefni af 100 ára afmæli fullveldis Íslands. Í fyrirlestrunum verður fjallað um efni sem borið hefur hátt í samskiptasögu landanna á síðustu öld.

Danskar og íslenskar bókmenntir - Gagnvegir í eina öld er fyrsta málþingið af sjö undir þessari yfirskrift, og verður haldið á sumardaginn fyrsta, 19. apríl næstkomandi. Málþingið verður haldið í fyrirlestrasalnum í Veröld - húsi Vigdísar milli klukkan 14 og 16:30.

Dagskrá:

Erik Skyum-Nielsen, lektor í dönskum bókmenntum við Kaupmannahafnarháskóla: Islands litterære magnetisme.

Dr. Sveinn Einarsson, fyrrverandi þjóðleikhússtjóri: „Þessir dönsku söngvasmámunir" Um dönsk verk á íslensku leiksviði.

Una Margrét Jónsdóttir, fræðimaður og dagskrárgerðarmaður hjá Ríkisútvarpinu: Danmörk, Ísland og revíurnar.

Ragheiður Steindórsdóttir leikkona flytur nokkur „dönsk“ revíulög við undirleik Helgu Bryndísar Magnúsdóttur píanóleikara.

Málþingið er öllum opið og aðgangur er ókeypis.