Cranet útgáfufundur 2019

Niðurstöður Cranet-rannsóknarinnar 2018 á íslenskri mannauðsstjórnun verða kynntar fimmtudaginn 23. maí kl. 8:30-10 í Veröld - húsi Vigdísar, Háskóla Íslands.

Aðgangur er ókeypis en þar sem sætafjöldi er takmarkaður er nauðsynlegt að skrá mætingu. Hægt er að skrá sig á https://www.hi.is/vefform/skraning_a_cranet_vidburd_2019

Höfundar skýrslunnar og fyrirlesarar eru: Arney Einarsdóttir, lektor við Háskóla Íslands, Katrín Ólafsdóttir, lektor við Háskólann í Reykjavík og Ásta Bjarnadóttir, framkvæmdastjóri mannauðssviðs Landspítalans.
Fundarstjóri: Sturla Hreinsson, mannauðsstjóri Landsvirkjunar.

Að þessu sinni eru auk hefðbundinna mála einnig skoðuð sérstaklega staða fyrirtækja og stofnana á þroskastigum jafnréttismála og staða innleiðingar jafnlaunavottunar, sjálfvirknivæðingar og styttingar vinnuvikunnar, opin og verkefnamiðuð vinnurými ásamt verkefnum er tengjast heilbrigði og velferð starfsfólks. Í skýrslunni eru birtir margir hagnýtir samanburðarmælikvarðar á sviði mannauðsmála sem nýta má við markmiðssetningu og greiningu í einstökum fyrirtækjum og stofnunum.

Cranet-rannsóknin á Íslandi er hluti af alþjóðlegu langtíma rannsóknarverkefni, og hefur þann tilgang að kort­­­leggja með reglulegu millibili stöðu og þróun íslenskrar mannauðsstjórnunar. Niðurstöður byggja á svörum 125 stærstu vinnuveitenda á Íslandi og er að þessu sinni styrkt af fjármála- og efnahagsráðuneytinu.