Af hverju halda stelpur að þær geti ekki forritað?

Ada, hagsmunafélag kvenna í upplýsingatækni við Háskóla Íslands, stendur fyrir pallborðsumræðum undir yfirskriftinni „Af hverju halda stelpur að þær geti ekki forritað?“ þriðjudaginn 26. mars kl. 18:00 - 19:00 í stofu 023 í Veröld - húsi Vigdísar.

Leitast verður við að svara spurningunni ásamt því að ræða stöðu kvenna í upplýsingatækni. Hvaðan kemur þessi hugsunarháttur, hvaða áhrif hann hefur og hvað við getum gert til þess að breyta honum? Opið verður fyrir spurningar úr sal og eru allir áhugasamir hvattir til þess að mæta og taka þátt í umræðunni undir myllumerkinu #stelpursemforrita

Viðmælendur eru einstaklingar úr atvinnulífinu en fundarstjóri er Kristjana Björk Barðdal, varaformaður Ada. Þau sem hafa staðfest þátttöku eru:

➖ Katrín Atladóttir, borgarfulltrúi (áður hjá CCP)
➖ Berglind Ósk Bergsdóttir, forritari hjá Kolibri
➖ Rakel Björt Jónsdóttir, forritari hjá Kolibri
➖ Theódór Ragnar Gíslason, tæknistjóri Syndis
➖ Guðrún Sæborg Ólafsdóttir, kerfisstjóri hjá Landsbankum
➖ Hjálmtýr Hafsteinsson, dósent í tölvunarfræði við Háskóla Íslands

Stefna Ada er að stuðla að sýnileika kvenfyrirmynda innan upplýsingatæknigeirans og fræða bæði tilvonandi og núverandi nemendur í upplýsingatækni um mikilvægi þess.

Boðið verður upp á veitingar að dagskrá lokinni.

Viðburðurinn fer fram á íslensku og aðgengi er fyrir hjólastóla.