Tækninám með áherslu á lífefnaiðnað- grunndiplóma | Háskóli Íslands Skip to main content

Tækninám með áherslu á lífefnaiðnað- grunndiplóma

Lifefnafraedi nemendur

Tæknifræði

90 einingar - Grunndiplóma

. . .

Námið undirbýr nemendur fyrir fjölbreytt störf í lífefna- og orkuiðnaði.
Að loknu námi búa nemendur yfir þekkingu og hæfni til að leysa tæknileg vandamál í lífefnaiðnaði, líftækniiðnaði og í endurnýjanlegri orku. 

Námið er kennt í Tæknifræðisetri Háskóla Íslands í Hafnarfirði og einnig að hluta til í fjarnámi.

Tilraunaglös

Tækninám með áherslu á lífefnaiðnað - grunndiplóma

Námskeiðin eru sett upp með fyrirlestrum og verklegum æfingum sem kynnir nemendum fyrir hagnýtri hönnun og þróun á einföldum lífefnaferlum.

Námið  byggir á góðum raungreinagrunni fyrir áframhaldandi tæknifræðinám á grunnstigi og sérhæfðri tækniþekkingu í efnaiðnaði. 

Námið samanstendur af þremur misserum 30 ECTS einingar á misseri. Kenndar eru tvær sjö vikna lotur á hverju misseri, þrír kúrsar í senn 15 ECTS einingar í lotu. 

Meðal viðfangsefna

  • Tækniteikning
  • Forritun
  • Stærðfræði
  • Eðlisfræði
  • Örveru- og lífefnafræði
  • Hreyfifræði
  • Hagnýt líftækni
  • Hagnýt orkukerfi

    Inntökuskilyrði

    Grunnnám

    Íslenskt stúdentspróf eða sambærilegt próf.

    Umsækjendur sem stundað hafa nám á framhaldsskólastigi geta öðlast rétt til undanþágu frá framangreindum skilyrðum með því að þreyta stöðumat. Við mat á undanþágu er jafnframt tekið mið af starfsreynslu úr atvinnulífinu.

    Umsækjendur sem uppfylla skilyrði um undanþágu þurfa að:

    1. Sitja undirbúningsnámskeið í stærðfræði á haustmisseri fyrsta árs.
    2. Ljúka undirbúningsnámskeiðum til að öðlast rétt til áframhaldandi náms á vormisseri fyrsta árs.
    Mynd að ofan 
    Texti vinstra megin 

    Starfsvettvangur

    Brautskráðir nemendur starfa við ýmis störf t.d. í líftækniiðnaði, lyfjaiðnaði, rafeinaiðnaði, verkefnum tengdum umhverfismálum, orku- og olíuiðnaði, matvælaiðnaði, snyrtivöruiðnaði ofl. Slík störf fela meðal annars í sér að endurhanna efnaferla til að skala upp í  framleiðslu. Auk þess starfa þeir við framleiðslu, prófanir og úttektir á tækjum sem notuð eru í líftækniiðnaði.

    Þeir geta meðal annars:

    • Framkvæmt prófanir og komið með tillögur að breytingum og endurbótum
    • Framkvæmt útreikninga fyrir samstarfsfólk
    • Undirbúið smíðalýsingar fyrir efni og íhluti og áætlað kostnaðarverð fyrir ólíkar útfærslur búnaðar.
    Texti hægra megin 

    Framhaldsnám

    Námið nýtist að fullu við áframhaldandi nám í framleiðslutæknifræði.

      Félagslíf

      • Félag nemenda í tæknifræðinámi við Háskóla Íslands heitir ASKIT

      Hafðu samband

      Skrifstofa 
      s. 525 4700 
      Nemendaþjónusta VoN
      s. 525 4466  - ​nemvon@hi.is
      Opið virka daga frá 8:30-16:00

      Tæknigarður - Dunhaga 5, 107 Reykjavík
      Askja - Sturlugata 7, 102 Reykjavík

      Fylgstu með Verkfræði- og náttúruvísindasviði

        Instagram   Twitter    Youtube

       Facebook    Flickr