Tæknifræði
90 einingar - Grunndiplóma
Diplómanám með áherslu á forritun undirbýr nemendur með grundvallar þekkingu og getu fyrir árangursrík störf við hugbúnaðargerð.
Námið undirbýr nemendur fyrir fjölmörg störf í hátækniiðnaði. Áhrif tölvutækni og forrita er hraðvaxandi og mun án efa gera það áfram í framtíðinni.
Námið er kennt í Tæknifræðisetri Háskóla Íslands í Hafnarfirði og einnig að hluta til í fjarnámi.
Tækninám með áherslu á forritun - grunndiplóma
Námskeiðin eru sett upp með fyrirlestrum og verklegum æfingum. Nemendur fá að kynnast aðferðafræði, tækjum og tækni ásamt fræðilegum grunni í upplýsingatækni.
Námið byggir á góðum raungreinagrunni fyrir áframhaldandi tæknifræðinám á grunnstigi og sérhæfðri tækniþekkingu í forritun ígreypra kerfa.
Námið samanstendur af þremur misserum 30 ECTS einingar á misseri. Kenndar eru tvær sjö vikna lotur á hverju misseri, þrír kúrsar í senn 15 ECTS einingar í lotu.
Meðal viðfangsefna
- Tölvuhögun
- Forritun
- Eðlisfræði
- Stærðfræði
- Tækniteikning
- Flétturásir
- Runurásir
- Skapandi og gagnrýn skrif
- Tæknileg skrif
- Ígreypt kerfi
Íslenskt stúdentspróf eða sambærilegt próf.
Umsækjendur sem stundað hafa nám á framhaldsskólastigi geta öðlast rétt til undanþágu frá framangreindum skilyrðum með því að þreyta stöðumat. Við mat á undanþágu er jafnframt tekið mið af starfsreynslu úr atvinnulífinu.
Umsækjendur sem uppfylla skilyrði um undanþágu þurfa að:
- Sitja undirbúningsnámskeið í stærðfræði á haustmisseri fyrsta árs.
- Ljúka undirbúningsnámskeiðum til að öðlast rétt til áframhaldandi náms á vormisseri fyrsta árs.
Starfsvettvangur
Brautskráðir nemendur starfa við ýmis tæknistörf til að mynda aðstoða tækni- og verkfræðinga við rannsóknir, hugbúnaðarþróun og hugbúnaðargerð fyrir sérhæfð tæki og búnað. Einnig sinna þeir viðhaldi og uppsetningu á búnaði í ýmsum iðnaðargreinum.
Þeir geta td:
- Framkvæmt prófanir og komið með tillögur að breytingum og endurbótum
- Framkvæmt útreikninga
- Undirbúið smíðalýsingar fyrir efni og íhluti
- Áætlað kostnaðarverð fyrir ólíkar útfærslur ígreyptra kerfa
- Aðstoðað við að skrifa notenda- og tæknihandbækur fyrir notendur rafeindabúnaðar
- Útfært, framkvæmt og skjalað prófanir.
- Metið og prófað vörur
- Beitt mæli- og prófunarbúnaði til að stilla, prófa og gera við rafeindabúnað.
- Tekið þátt í framleiðslu, uppsetningu, og innleiðingu á nýjum sjálfvirknibúnaði sem byggir á ígreyptum kerfum.
Félagslíf
- Félag nemenda í tæknifræðinámi við Háskóla Íslands heitir ASKIT
Hafðu samband
Skrifstofa
s. 525 4700
Nemendaþjónusta VoN
s. 525 4466 - nemvon@hi.is
Opið virka daga frá 8:30-16:00
Tæknigarður - Dunhaga 5, 107 Reykjavík
Askja - Sturlugata 7, 102 Reykjavík
Fylgstu með Verkfræði- og náttúruvísindasviði
Instagram
Twitter
Youtube
Facebook
Flickr