Starfstengt diplómanám fyrir fólk með þroskahömlun
60 einingar - Grunndiplóma
Einstaklingsmiðað starfstengt nám þar sem nemendur fá stuðning í bóklegu námi, sem og á vettvangi. Námið er skipulagt í samræmi við yfirlýsta alþjóðlega stefnu hagsmunasamtaka fólks með þroskahömlun, mannréttindasáttmála og stefnu Háskóla Íslands. Tilgangur námsins er að veita fólki með þroskahömlun möguleika til fullgildrar samfélagsþátttöku.
Um námið
Starfstengt diplómanám fyrir fólk með þroskahömlun er tveggja ára fullt nám. Markmið námsins er að undirbúa nemendur til afmarkaðra starfa, t.d. í skólum, leikskólum, félagsmiðstöðvum og á þeim vettvangi sem fatlað fólk sækir þjónustu. Nemendur stunda nám með öðrum nemendum háskólans og eru með þeim í námskeiðum. Námið er sniðið og skipulagt út frá þörfum og áhuga hvers nemanda.
Inntökuskilyrði eru fjögurra ára nám á starfsbrautum framhaldsskóla eða sambærileg menntun og starfsreynsla.
Sjáðu um hvað námið snýst
Starfsvettvangur
Í starfstengdu diplómanámi fyrir fólk með þroskahömlun eru nemendur undirbúnir til afmarkaðra starfa sem falla undir fræðasvið menntavísinda.
Dæmi um starfsvettvang
- Leikskólar
- Frístundaheimili
- Vettvangur fatlaðs fólks
Félagslíf
Nemendafélagið TUMI er félag nemenda í þroskaþjálfafræði, tómstunda- og félagsmálafræði og starfstengdu diplómanámi við Háskóla Íslands. Félagið stendur fyrir skemmtilegum viðburðum, svo sem nýnemakvöldum, árshátíð og vísindaferðum. Fylgstu með TUMA á Facebook!
Hafðu samband
Kennsluskrifstofa
Stakkahlíð, 1. hæði í Enni
Opið kl. 8.15 – 15.00 alla virka daga
Sími 525 5950
menntavisindasvid@hi.is
Fyrirspurnum er beint til Sigurlaugar Maríu Hreinsdóttur deildarstjóra
Sími 525 5981
netfang: sigurlaug[hja]hi.is
