Nýsköpun og viðskiptaþróun

120 einingar - MS gráða

. . .

Viðskiptafræðideild og Iðnaðarverkfræði-, vélaverkfræði- og tölvunarfræðideild bjóða sameiginlega upp á námsleið á sviði nýsköpunar og viðskiptaþróunar. Námið miðar að því að undirbúa nemendur fyrir nýsköpun í fjölbreyttu samhengi.
Nám til MS prófs er 120 einingar hið minnsta, þar af 90 e. í námskeiðum, auk MS-ritgerðar sem er að lágmarki 30 e.

Sækja um nám

Um námið

Undirstaða námsins er námskeið um framkvæmd nýsköpunar sem nær yfir tvö misseri. Þar vinna nemendur saman að umfangsmiklu verkefni, sem felur í sér afurðaþróun byggða á sérþekkingu þar sem viðskiptalegar forsendur eru í forgrunni. Verkefnið getur sprottið úr sjálfstæðu viðskiptatækifæri eða komið úr ranni samstarfsfyrirtækja.

Nánari upplýsingar

Meistaranám í nýsköpun og viðskiptaþróun

Inntökuskilyrði

Framhaldsnám

Forkröfur eru BA/BS-gráða, almennt þurfa nemendur að hafa lokið prófi með fyrstu einkunn (7,25). Nemendur eru valdir inn í námið með hliðsjón af fyrra námi og starfsreynslu, umsækjendur gætu þurft að fara í undirbúningsnám, áður en þeir fá inngöngu í MS-námið.

Nánar um námið í kennsluskrá

Sjáðu um hvað námið snýst

Umsagnir nemenda

Arnar Jónsson

MS í Nýsköpun og viðskiptaþróun

Ég hafði skoðað marga möguleika á meistaranámi en þegar ég sá Nýsköpun og viðskiptaþróun ákvað ég að sækja um. Ég hef alltaf haft brennandi áhuga á að skapa, fara nýjar leiðir og prófa eitthvað nýtt og námið smellpassaði við það. Kostir námsins fyrir mitt leyti voru haldgóðar aðferðir við að nálgast nýjar hugmyndir og verkefni, að læra hvaða þættir skipta máli í þeirri vegferð að ná árangri með þær og ná tengingu við nýsköpunarumhverfið á Íslandi. Toppurinn var svo allir frábæru kennararnir og samnemendurnir sem ég kynntist og lærði mikið af.

—

Daði Már Steinsson, eigandi Nordic Green Travel

MS í Nýsköpun og viðskiptaþróun

Í BS námi mínu fór ég með viðskiptahugmynd í Gulleggið þar sem ég kynntist fyrir alvöru nýsköpunarumhverfinu á Íslandi. Í framhaldi þess stofnaði ég fyrirtæki, ferðaskrifstofuna Nordic Green Travel. Þegar kom að því að velja mér MS nám kom ekkert annað til greina en Nýsköpun og viðskiptaþróun þar sem það passaði fullkomlega við mitt áhugasvið. Helsti kostur námsins fyrir mig var að námið kenndi mér að nýta hin ýmsu tól til þess að taka nýjar viðskiptahugmyndir, litlar sem stórar, og þróa þær áfram með sem bestum árangri. Á meðan á náminu stóð gat ég svo nýtt þá þekkingu sem þar varð til og þróað fyrirtækið mitt áfram samhliða. Mér fannst frábært hvað nemendurnir komu úr mörgum mismunandi áttum. Þetta skapaði ákveðna stemmningu í hópnum þar sem við fengum ótal sjónarhorn á verkefnin. Kennararnir eru svo frábærir í sínu fagi sem gerir námið enn skemmtilegra.

—

Sveinn Óskar Hafliðason

Nýsköpun og viðskiptaþróun

Þegar ég sá að ég hafði val um að taka áfanga í nýsköpun í meistaranáminu mínu í fjármálum stóðst ég ekki freistinguna. Ég hafði komið talsvert að nýsköpun síðastliðin ár en hafði aldrei kynnt mér akademísku hliðina. Þeir áfangar sem ég tók í nýsköpun breyttu ekki bara sýn minni á mín fyrri störf heldur lituðu þau störf sem ég tók að mér þar eftir. Ég mæli hiklaust með nýsköpunarnáminu í Háskóla Íslands!

—

Berglind Blomsterberg

MS í Iðnaðarverkfræði

Ég er í iðnaðarverkfræði og ákvað að taka nýsköpunaráfanga sem val og sé alls ekki eftir því. Áfangarnir passa vel með verkfræðináminu og henta öllum sem hafa áhuga á að skapa eitthvað nýtt. Tímarnir voru virkilega líflegir og skemmtilegir og tóku á raunverulegum vandamálum sem nemendur völdu. Rúsínan í pylsuendanum var svo að þarna kynntist ég nemendum frá öðrum námsleiðum og fékk tækifæri til að vinna með þeim.

—

Mynd að ofan

Texti vinstra megin

Að námi loknu

Námið miðar að því að nemendur séu færir um að vinna að nýsköpun í fjölbreyttu samhengi, hvort sem það er með stofnun eigin fyrirtækja, störfum innan sprota- eða vaxtarfyrirtækja, eða við viðskiptaþróun stærri fyrirtækja.

Texti hægra megin