Sjálfstyrkingarnámskeið Sálfræðiþjónusta NHÍ býður nemendum skólans upp á fimm vikna sjálfstyrkingarnámskeið sem byggir á aðferðum hugrænnar atferlismeðferðar (HAM). Á námskeiðinu verða kenndar aðferðir til að rjúfa vítahring lágs sjálfsmats með því að vinna með óhjálplegar hugsanir (sjálfsgagnrýni) og óhjálplega hegðun (frestun, forðun og fullkomnunaráráttu). Við munum skoða gagnlegar leiðir til að takast á við lágt sjálfsmat og bæta þannig líðan okkar. Námskeiðsgjald er 6.000 kr. Aðeins 15 pláss eru í boði og því er nauðsynlegt að skrá sig.Skráning fer einungis fram á Þjónustuborðinu, Háskólatorgi. Vinsamlegast athugið að skráning á námskeið er bindandi. Hægt er að óska eftir endurgreiðslu í síðasta lagi tveimur virkum dögum áður en námskeið hefst. Námskeið vormisseris 2024 verður auglýst síðar: Seigla og bjargráð - með verkfærum HAM og jákvæðrar sálfræði Sálfræðiþjónusta NHÍ býður upp á 5 vikna námskeið um geðheilbrigði fyrir nemendur HÍ. Helstu vítahringir óhjálplegra hugsana og hegðunar í tengslum við kvíða, þunglyndi og lágt sjálfsmat verða skoðaðir ásamt því að kynna til leiks jákvæða sálfræði og tilfinningastjórn. Að auki verður unnið með markmiðasetningu og gildi til að efla andlegt heilbrigði. Leiðbeinendur eru Guðlaug Friðgeirsdóttir og Katrín Sverrisdóttir sálfræðingar. Námskeiðsgjald er 6000 kr.Skráning fer einungis fram á Þjónustuborðinu, Háskólatorgi. Aðeins 15 pláss eru í boði og því er nauðsynlegt að skrá sig sem fyrst. Námskeið vormisseris 2024 verður auglýst síðar: facebooklinkedintwitter
