Betra spálíkan um flæði farsóttarsmita í umsjón Landspítala

Rannsóknateymið sem vinnur að áframhaldandi gerð spálíkans

Þrír nemendur úr hagnýttri stærðfræði og rafmagnsverkfræði:

• Signý Kristín Sigurjónsdóttir
• Valgerður Jónsdóttir
• Margrét Vala Þórisdóttir

Eftirfarandi leiðbeinendur:

• Birgir Hrafnkelsson, prófessor í tölfræði
• Tómas Philip Rúnarsson, prófessor í iðnaðarverkfræði
• Rögnvaldur Jóhann Sæmundsson, prófessor í iðnaðarverkfræði
• Thor Aspelund, prófessor í líftölfræði
• Martin Ingi Sigurðsson, prófessor og yfirlæknir
• Vigdís Hallgrímsdóttir, forstöðumaður skurðstofa og gjörgæsla

Samstarfsaðilar

• Embætti landlæknis
• Landspítali

Lýsing á rannsókninni

Markmið rannsóknarverkefnisins sem tengist Nýsköpunarsjóði námsmanna var að endurbæta COVID-19-spálíkan Landspítalans þannig að stjórnendur séu betur í stakk búnir að spá fyrir um áhrif farsótta á starfsemi spítalans, þ.m.t. nýjar bylgjur COVID-19 smita.

Aðferðafræði

• Verkefnið fólst í að finna, útfæra og prófa mögulegar leiðir til að endurbæta spálíkan Landspítala um flæði farsóttarsmitaðra í umsjón spítalans.
• Líkanið styðst við spá um fjölda nýrra smita, söguleg gögn um flæði smitaðra og hermilíkan til að spá fyrir um hvernig smitaðir færast inn og út af spítalanum og á milli eininga innan hans meðan á farsótt stendur.
• Spá um fjölda nýrra smita er notuð til að meta fjölda smitaðra í umsjón spítalans og söguleg gögn til að meta líkur á því hvernig smitaðir færast á milli staða og hversu lengi þeir staldra við á hverjum stað.
• Þessi sögulegu gögn eru umfangsmikil og einstök og söfnuðust í fyrstu bylgju COVID-19 á Íslandi í hinni nýju umgjörð sóttvarnarviðbragða sem þá varð til.
• Víðtækar greiningar, öflug smitrakning, skipulögð eftirfylgni með sjúklingum og stofnun COVID-19-göngudeildar varð til þess að til urðu mikilvægar upplýsingar um framvindu sjúkdómsins sem eru einstakar á heimsvísu.
• Við gerð verkefnisins var einnig útbúið notendavænt gagnaborð sem stjórnendur Landspítalans geta notað til þess að átta sig betur á stöðu farsóttarinnar, séð hvernig hún hefur breyst og nálgast spá á einfaldan hátt.
• Þannig var þróað verkfæri fyrir stjórnendur Landspítalans sem ekki hefur verið til staðar áður til að aðstoða við ákvarðanatöku í tengslum við smitsjúkdómafaraldra líkt og COVID-19.

Áhrifaþættir betra spálíkans - Framlag til samfélagsins

• Á hverjum degi á spátímanum er niðurstöðunni lýst sem fjölda smitaðra á hverjum stað, t.d. heima, á legudeild eða gjörgæslu, og út frá þessum upplýsingum geta stjórnendur tekið ákvarðanir um að auka eða minnka afkastagetu spítalans til að taka á móti farsóttarsjúklingum.
• Spáin getur nýst til að gera daglegar spár meðan á faraldrinum stendur og það nýtist einnig stjórnendum spítalans sem geta skoðað áhrif mismunandi sviðsmynda um smit og þróun þeirra.
• Spáin nýtist til að gefa innsýn í álag á sjúkrastofnanir meðan á farsóttum stendur, þ.m.t. hvaða gögnum mikilvægt er að safna til að ná sem bestum árangri.