Skip to main content

Ferðamál norðurslóða

Ferðamál norðurslóða - á vefsíðu Háskóla Íslands

Hefur þú áhuga á samspili ferðaþjónustu og ferðamennsku við náttúru og samfélög á norðurslóðum?

Kjörsvið um ferðamál norðurslóða fjallar um einkenni, áskoranir og möguleika ferðaþjónustu og ferðamennsku á norðurslóðum. Kjörsviðið veitir greinargóða yfirsýn um ferðamál á norðurslóðum og veitir innsýn í aðstæður og samhengi ferðamála á ólíkum stöðum og í fjölbreyttum samfélögum norðurslóða.

Í náminu er fjallað um þróun ferðaþjónustu á norðurslóðum frá ólíkum sjónarhólum og hún sett í samhengi við margskonar breytingar sem eru að eiga sér stað á svæðinu. Þar má nefna loftslagsbreytingar og áætlanir um auðlindanýtingu sem og vaxandi áhuga fólks á að kynnast og ferðast um norðlæg svæði. Kjörsviðið miðar að því að byggja upp þekkingu og aðferðir til að efla þróun ábyrgrar ferðaþjónustu á norðurslóðum. Í náminu gefst nemendum kostur á byggja upp sérfræðiþekkingu á ferðamálum norðurslóða og sjálfbærri þróun sem nýtist í starfi jafnt innan einkageirans og hjá hinu opinbera.

Kjörsviðið leggur áherslu á alþjóðlegt sjónarhorn. Tvö kjarnanámskeið þess eru boðin í fjarnámi í samstarfi við Þemanet Háskóla Norðurslóða um ferðamál.

Meðal viðfangsefna

  • Sjálfbærni í ferðaþjónustu norðurslóða
  • Ferðaþjónusta og samfélög frumbyggja
  • Stjórnskipun og stefnumótun í ferðamálum norðurslóða
  • Tengsl ferðaþjónustu við aðrar atvinnugreinar á norðurslóðum
  • Skapandi ferðaþjónusta á norðurslóðum
  • Iðkun og upplifun ferðamanna á norðurslóðum
  • Náttúra og menning sem aðdráttarafl í ferðamennsku norðurslóða