Skip to main content

Mikilvægar dagsetningar fyrir inntökupróf Læknadeildar 2021

•    27. febrúar – 20. maí 2021
Opið fyrir rafrænar umsóknir í læknisfræði og sjúkraþjálfunarfræði á vef HÍ. Umsókn um nám í læknisfræði eða sjúkraþjálfunarfræði er það sama og skráning í inntökupróf Læknadeildar. Þegar umsókn hefur verið lögð inn á umsækjanda að berast móttökukvittun frá umsokn@hi.is sem inniheldur upplýsingar um næstu skref.
Hafi umsækjandi ekki fengið móttökukvittun er hann ekki skráður í prófið!

    20. maí – Umsóknarfrestur rennur út! - Frestur til að sækja um grunnnám í læknisfræði og sjúkraþjálfunarfræði (skráning í inntökupróf Læknadeildar) rennur út á miðnætti.

    20. maí – Skilafrestur fylgigagna - Hafi umsækjandi ekki veitt heimild fyrir rafrænum skilum á stúdentsprófi úr Innu í umsóknarferlinu þarf hann að skila staðfestu afriti af stúdentsprófsskírteini, eða staðfestingu um að stúdentsprófi verði lokið áður en inntökupróf hefst, á pappír til Nemendaskrár Háskóla Íslands.

•    20. maí – Sérúrræði - Síðasti dagur til að skila inn beiðni um lengdan próftíma eða önnur sértæk úrræði til Náms- og starfsráðgjafar HÍ.

Afgreiðslu umsókna lokið: Tölvupóstur sendur til samþykktra umsækjenda.

•    Þriðjudagurinn 1. júní kl. 16:00 – Greiðslufrestur próftökugjalds rennur út! - Að umsóknarfresti loknum verða sendar út kröfur fyrir próftökugjaldi kr 20.000,- í netbanka umsækjenda með eindaga 1. júní og þarf hún að greiðast í síðasta lagi fyrir kl. 16:00 þann dag. Athugið að próftökuréttur er háður settum greiðslufrest og próftökugjaldið er óendurkræft. Engar undantekningar eru gerðar á þessu ákvæði!
Ef krafan birtist ekki innan fárra daga skal hafa samband við Nemendaskrá HÍ, sími 525 4309 og netfang nemskra@hi.is. Mikilvægt er að greiðslan fari fram í netbanka umsækjandans sjálfs þannig að kennitalan hans fylgi greiðslunni. 

•    7. júní – Borð- og prófnúmer umsækjenda birtast á umsóknarsíðu þeirra en listi yfir borð- og prófnúmer próftaka mun einnig hanga uppi á prófstað.

•    7 – 9. júní – Reiknivélar afhentar á skrifstofu Læknadeildar - Próftakar eru hvattir til að nálgast reiknivélar til að geta kynnt sér þær fyrir prófið, en einnig verða reiknivélar á prófstað fyrir þá sem ekki sækja þær fyrirfram. Þeim er svo skilað á prófstað að prófi loknu.

•    10. og 11. júní – Inntökupróf haldið (tveir heilir dagar).

Niðurstöður birtar - Gert er ráð fyrir að það taki allt að einn mánuð að fara yfir úrlausnir. Þegar niðurstöður liggja fyrir fá allir próftakar send svarbréf í tölvupósti og listi með prófnúmerum þeirra sem öðlast rétt til náms verður birtur á heimasíðu Læknadeildar.

Vinsamlegast hafðu samband við skrifstofu Læknadeildar í síma 525 4881 og 525 4899 hafir þú fyrirspurnir eða athugasemdir.