Í uppeldis- og menntunarfræði er hægt að stunda nám til MA-gráðu með áherslu á sérsvið. Námið veitir nemendum tækifæri til að dýpka skilning sinn á mikilvægum viðfangsefnum á sviði menntunar, skóla og einstaklingsþroska. Fengist er við spurningar sem tengjast þroska og uppeldi barna og unglinga, samskiptum fólks, sjálfsmynd, fjölskyldum, skólum, kynferði, menningarlegum margbreytileika, menntun og starfsframa, og þróun skólakerfa. Námið leggur einnig grunn að fræði- og rannsóknarstörfum á þessum sviðum. Í náminu er hugað að ýmsum þáttum er varða uppeldi og menntun í nútímasamfélagi. Áhersla er lögð á að nemar geti valið um áherslur námsins með hliðsjón af eigin áhuga, rannsóknarviðfangsefni og áherslum í starfi. Nánar um námið í kennsluskrá Áhættuhegðun og velferð Á lífshlaupi sínu þroskast einstaklingurinn í samspili við félagslegt umhverfi sitt. Á þessu kjörsviði er áhersla lögð á að skilja þetta samspil með hliðsjón af bæði áhættu- og verndandi þáttum – í þeirri leit að styrkja börn og ungmenni og stuðla að heilbrigðri lífssýn þeirra og velferð. Kynntar eru kenningar og rannsóknir á þessu sviði um margvíslega þroskaþætti barna og ungmenna og hvernig umhverfið (m.a. fjölskylda, félagar, skólar, tómstundastarf) getur hlúð að og eflt þessa þroskaþætti. Í sama skyni er fjallað um sjálfsmyndir ungmenna, líkamsímynd, farsæla skólagöngu, vímuefnavanda og seiglu. Markmiðið er að auka hæfni nemenda á kjörsviðinu til þess að starfa með ungmennum á fjölbreyttum vettvangi og/eða sinna rannsóknum á þessu sviði. Nánar um námið í kennsluskrá Farsæld og fjölbreytt samfélag Kjörsviðinu er ætlað að efla þekkingu nemenda á brýnum sviðum samfélagsins sem snúa að farsæld barna, ungmenna og fullorðinna og margbreytileika í lýðræðislegu samfélagi. Sjónum er beint að borgaravitund og þeim siðferðislegu, félagslegu og tilfinningalegu þroskaþáttum sem henni tengjast. Samspil réttinda borgara, skyldna og ábyrgðar er skoðað í tengslum við virka þátttöku í samfélagi og ástundun vistvæns lífstíls. Lögð er áhersla á að skoða samfélagslegan margbreytileika út frá sjónarhorni félagslegs réttlætis. Rætt er um stöðu og reynslu innflytjenda og flóttafólks, fordóma og mismunun. Mannréttindi barna og Heimsmarkmið Sameinuðu þjóðanna eru undirliggjandi þættir í nálgun á kjörsviðinu. Með náminu er hlúð að hæfni nemenda til að starfa með fjölbreyttum hópum barna, ungmenna og fullorðinna, í menntakerfinu sem og utan þess. Nánar um námið í kennsluskrá Félagslegt réttlæti og gagnrýnin fræði Kjörsviðinu er ætlað að efla skilning nemenda á margbreytileika samfélagsins, og auka þannig hæfni þeirra til að starfa með fjölbreyttum hópum barna, ungmenna og fullorðinna hvort sem er í menntakerfinu eða utan þess. Kenningar gagnrýnna fræða eru notaðar til að nemendur öðlist skilning á margbreytileika samfélagsins, mikilvægi hans í menntunarlegu og félagslegu tilliti, átti sig betur á stöðu einstaklinga og hópa sem þrýst er að jaðri samfélagsins. Fræðilegur rammi kjörsviðsins tekur tillit til gagnrýnna kenninga (t.d. gagnrýnin fræði um rasisma, femíniskra kenninga, hinseginfræða og gagnrýnna fötlunarfræða). Sérstök áhersla er á samtvinnun og félagslegt réttlæti. Nánar um námið í kennsluskrá Fræðslustarf og mannauðsþróun Kjörsviðið er ætlað fólki sem vill auka hæfni sína til að styðja við nám fullorðinna á öllum þeim ólíku stöðum þar sem skipulagt nám fullorðinna fer fram, hvort sem það er á vinnustað, innan menntastofnana eða í tengslum við tómstundir eða félagasamtök. Námið gagnast öllum sem huga að skipulagningu eða framkvæmd fræðslu, svo sem með hönnun , skipulagningu, kennslu, umsjón, leiðsögn eða ráðgjöf. Meginmarkmið námsins er að námsmenn öðlist þekkingu á kenningum, viðhorfum og aðferðum sem gagnast þeim sem vilja styðja við lífstíðarnám fullorðinna. Námskeiðin á kjörsviðinu eru jafnan skipulögð sem fjarnám með staðbundnum lotum. Það þýðir að á flestum námskeiðum hittast nemendur og kennarar í svo kölluðum staðlotum, þess á milli vinna nemendur og kennarar saman að alls konar verkefnum á vefnum. Lögð er rík áhersla á að fjöldi verkefna sé unnin í beinum tengslum við vettvang, annað hvort á eigin vinnustað eða annars staðar þar sem fræðslustarf fer fram með fullorðnum. Nánar um námið í kennsluskrá Jákvæð sálfræði í uppeldi og menntun Kjörsviðið í jákvæðri sálfræði í uppeldi og menntun byggist á því að umsækjendur um kjörsviðið hafi lokið 60e viðbótardiplómu í jákvæðri sálfræði á vegum Endurmenntunarstofnunar. Hægt er að fá 40e metnar með því að sækja um mat á fyrra námi Jákvæð sálfræði (positive psychology)er fræðigrein sem byggir á rannsóknum sem beinast að jákvæðum hliðum mannlegs lífs eins og styrkleikum, vellíðan og farsæld. Einnig að samfélagslegum þáttum og þeim stofnunum sem stuðla eiga að velfarnaði einstaklingsins, svo sem fjölskyldu og skóla. Á kjörsviðinu er áhersla lögð á hvernig hagnýta megi jákvæða sálfræði í uppeldis og menntastörfum til að stuðla að jákvæðum skólabrag og velfarnaði í skólasamfélaginu. Þannig verður stuðlað að þekkingu og færni mennta- og uppeldisstétta til að styðja eigin velfarnað og kynntar leiðir fyrir þá til að stuðla að velfarnaði nemenda sinna, til dæmis gegnum lífsleiknikennslu. Þessar áherslur eru í samræmi við tilmæli Alþjóðaheilbrigðisstofnunarinnar og ákvæðum úr námskrám íslenskra leik-, grunn- og framhaldsskóla um að hlúa að andlegu heilbrigði og farsæld. Nánar um námið í kennsluskrá Sálfræði í uppeldis- og menntavísindum Kjörsvið í sálfræði í uppeldis- og menntavísindum er ætlað fólki sem hefur áhuga á velferð og þroska ungs fólks og hefur hug á að starfa á vettvangi með því og/eða sinna rannsóknum á þessu sviði. Um er að ræða hagnýtingu sálfræðinnar á sviði uppeldis- og menntamála með áherslu á hvernig nýta megi jákvæða sálfræði og félagssálfræði í uppeldi og menntun til að stuðla að velfarnaði. Nemendur öðlist m.a. þekkingu á fræðikenningum um velfarnað og ýmsum raunprófuðum aðferðum jákvæðu sálfræðinnar sem stuðla að aukinni sjálfsvitund og velferð. Áherslur kjörsviðsins eru í samræmi við tilmæli Alþjóðaheilbrigðisstofnunarinnar og ákvæðum úr námskrám um að hlúa að andlegu heilbrigði og velfarnaði. Nánar um námið í kennsluskrá facebooklinkedintwitter